30 ەلگە حالىقارالىق رەيستەر قالپىنا كەلتىرىلدى.
قازاقستاننىڭ ازاماتتىق اۆياسيا كوميتەتى ۇشۋ گەوگرافياسىن كەڭەيتۋ بويىنشا جۇمىستى جالعاستىرۋدا، دەپ حابارلايدى Almaty-akshamy.kz
پاندەمياعا دەيىنگى دەڭگەيدەگى ىشكى تاسىمالداۋ كولەمى تولىق قالپىنا كەلتىرىلدى جانە اسىپ ءتۇستى (57 باعىت بويىنشا اپتاسىنا 687 رەيس).
اپتاسىنا 477 رەيس جيىلىگىمەن 108 باعىت بويىنشا 30 ەلگە حالىقارالىق رەيستەر قالپىنا كەلتىرىلدى.
ولار: تۇركيا، ءباا، وزبەكستان، گرۋزيا، تاجىكستان، تۇركىمەنستان، رەسەي، قىرعىزستان، بەلارۋس، گەرمانيا، ەگيپەت، وڭتۇستىك كورەيا، نيدەرلاندى، پولشا، ارمەنيا، ۇلىبريتانيا، مالديۆ ارالدارى، تايلاند، ءازىربايجان، كاتار، كۋۆەيت ، ساۋد ارابياسى ، موڭعوليا، ءۇندىستان، يران، چەرنوگوريا، يتاليا، جۇڭگو، ۆەتنام، سەيشەل ارالدارى.
2022 جىلى 6 ەلمەن (تۇركىمەنستان، ەگيپەت، ۇلىبريتانيا، موڭعوليا، يران، جۇڭگو) حالىقارالىق رەيستەر قالپىنا كەلتىرىلدى، اپتاسىنا 25 رەيس جيىلىگىمەن 10 باعىت بويىنشا 7 ەلگە جاڭا باعىتتار اشىلدى: يتاليامەن الماتى – ميلان «NEOS» اۋە كومپانياسىمەن، گرەسيامەن الماتى – يراكليون باعىتى بويىنشا «ەير استانا»اۋە كومپانياسىمەن، ۆەتناممەن الماتى – نحا ترانگ جانە استانا – نحا ترانگ باعىتتارى بويىنشا «Vietjet Air» اۋە كومپانياسىمەن، كۋۆەيتپەن تۇركىستان – كۋۆەيت باعىتى بويىنشا «Jazeera Airways» اۋە كومپانياسىمەن، تۇركيامەن الماتى – انكارا جانە استانا – انكارا باعىتىندا «AnadoluJet» جانە الماتى – انكارا «Pegasus Airlines» اۋە كومپانياسىمەن، الماتى – ماە باعىتى بويىنشا «Air Seychelles» اۋە كومپانياسىمەن جانە رەسەيدىڭ قالالارىنا الماتىدان سۋرگۋتقا، تيۋمەنگە، استانادان سانكت-پەتەربۋرگكە رەيستەر «SCAT» اۋە كومپانياسىمەن، الماتىدان اشحابادقا «تۇركىمەنحاۆايولدارى» اۋە كومپانياسىمەن قالپىنا كەلتىردى.
سونداي-اق، «اشىق اسپان» رەجيمى 2027 جىلعى 26 جەلتوقسانعا دەيىن (5 جىلدىق مەرزىمگە) ۇزارتىلدى.
2023 جىلعى كوكتەمگى-جازعى ناۆيگاسيا كەزەڭىندە استانادان دوحاعا، اقتاۋ مەن شىمكەنتتەن انكاراعا، الماتى مەن اقتاۋدان مەديناعا، استانادان باكۋگە جانە شىمكەنتتەن دۋشانبەگە رەيستەر اشىلادى دەپ كۇتىلۋدە، استانا، الماتى، اقتاۋ، تۇركىستان جانە اتىراۋدان ىستامبۇلعا، استانا مەن الماتىدان انتالياعا، الماتىدان باكۋگە، تبيليسيگە، پحۋكەتكە جانە مالەگە رەيستەردى ۇلعايتۋ جوسپارلانۋدا، پاكىستانعا الماتىدان كاراچي مەن لاحورعا رەيستەر اشۋ، ءۇندىستانعا الماتى - دەلي باعىتى بويىنشا، قىتايعا الماتى – چەندۋ باعىتى بويىنشا، ۇلىبريتانياعا الماتى – لوندون، الماتىدان بودرۋم، باتۋمي يراكليون، پودگوريسا جانە استانادان تبيليسي مەن پودگوريساعا باعىتتارى بويىنشا ورىندالاتىن رەيستەر سانىن ۇلعايتۋ جوسپارلانۋدا، استانا – بىشكەك، اقتاۋ – ەريەۆان، الماتى – سامارقاند، شىمكەنت – كۋتايسي باعىتتارى بويىنشا رەيستەر قايتا باستالادى دەپ كۇتىلۋدە.
مالايزيالىق لوۋكوست «Air Asia X» اۋە كومپانياسى 2023 جىلدىڭ كوكتەمگى-جازعى ناۆيگاسياسىنان باستاپ كۋالا-لۋمپۋردان الماتىعا، «Thai Air Asia» اۋە كومپانياسى بانگكوكتان الماتىعا رەيستەردى اشۋدى جوسپارلاپ وتىر.
سونىمەن قاتار، «Air Asia Aviation Group» كومپانياسىنىڭ توبى الماتى مەن استاناعا رەيستەردى ورىنداۋ كەزىندە «اۋا ەركىندىگىنىڭ» بەسىنشى دارەجەسىمەن ماسكەۋ (رەسەي)، ىستامبۇل (تۇركيا)، پاريج (فرانسيا)، لوندون (ۇلىبريتانيا) جانە فرانكفۋرت (گەرمانيا) قالالارىنا ودان ءارى ۇشۋلار ماسەلەسىن قاراستىرۋدا.
«Qeshm Air» اۋەكومپانياسى «اۋا ەركىندىگىنىڭ» 5ء-شى دارەجەسىن پايدالانا وتىرىپ، الماتى – توكيو باعىتى بويىنشا رەيستەردى اشۋدى جوسپارلاپ وتىر.
سونداي-اق، «ەير استانا» اۋەكومپانياسى ورتا مەرزىمدى پەرسپەكتيۆادا الماتى-تەل-اۆيۆ باعىتى بويىنشا يزرايلگە اپتاسىنا 2 تۇراقتى رەيستى ورىنداۋ ماسەلەسىن پىسىقتاۋدا.