اقش-تا «وميكروننىڭ» جاڭا ءتۇرى تەز تارالۋدا

جاڭا ۆيرۋس الەمدەگى 30-عا جۋىق مەملەكەتتە انىقتالدى.

Covid-19 وميكروننىڭ جاڭا نۇساقاسى XBB.1.5 دەپ اتالاتىن ۆيرۋس اقش-تا تەز تاراپ جاتىر، دەپ حابارلايدى Almaty-akshamy.kz lenta.ru سىلتەمە جاساپ.

سوڭعى ءتورت اپتادا اقش-تا COVID-19 جاعدايلارىنىڭ 41 پايىزىن XBB قوسالقى ءتۇرى قۇرادى. ال ەكى اپتا بۇرىن بۇل كورسەتكىش شامامەن 10 پايىزدى قۇراعان بولاتىن. 

«وميكروننىڭ جاڭا قوسالقى ءتۇرى قانشالىقتى جۇقپالى، وسى ماسەلە ءبىزدى قاتتى الاڭداتادى»، - دەدى ەپيدەميولوگ، ددسۇ قىزمەتكەرى ماريا ۆان كەرحوۆە. ول بۇعان دەيىنگى ۆيرۋستارعا قاراعاندا، ونىڭ جۇقپالى ءارى جاسۋشادا بىردەن كوبەيەتىنىن ايتىپ وتىر.

«XBB.1.5 ۆيرۋسى باسقالارىنا قاراعاندا تەز تارايتىنىن كورىپ وتىرمىز. ءبىراق بىزدە ونىڭ اۋىرلىق دارەجەسى تۋرالى ناقتى كورسەتكىش جوق. سوندىقتان ءبىز الەم بويىنشا وسى نۇسقانى جۇقتىرعان ناۋقاستاردىڭ مالىمەتتەرىن قاراستىرامىز»، - دەپ مالىمدەدى.

اۋرۋدىڭ الدىن الۋ جانە باقىلاۋ ورتالىعىنىڭ مالىمەتى بويىنشا، بۇل شتامنىڭ جۇعۋى سوڭعى اپتالاردا 4%-دان 41%-عا دەيىن ارتىپ كەتكەن. ءقازىر عالىمدار وميكروننان كەيىن مۋتاسيالانعان بىرنەشە ۆيرۋستى زەرتتەپ جاتىر. ءبىراق وسى حۆۆ.1.5 باسقا شتامدارعا قاراعاندا كوپ وزگەرگەنىن ايتادى. سوندىقتان ۆاكسينا مەن انتيدەنەنىڭ اسەرى بولماۋى مۇمكىن.