ينتەراكتيۆتى كارتا - اشىق اقپارات
2023 جىلى قازاقستاندا بالانىڭ ءال-اۋقاتىنىڭ يندەكسى بار ينتەراكتيۆتى كارتا ەنگىزىلەدى. جينالعان دەرەكتەردىڭ كومەگىمەن ماماندار ءبىلىم بەرۋ، دەنساۋلىق ساقتاۋ، قاۋىپسىزدىك، الەۋمەتتىك قورعاۋ، ينفراقۇرىلىم، قورشاعان ورتانى قورعاۋ سالالارىندا بالالاردىڭ جاعدايىن جاقسارتۋ بويىنشا ۇلتتىق ساياساتتىڭ تيىمدىلىگىن باقىلاي الادى. كارتانى جاساۋدا ءتۇرلى ۆەدومستۆولاردىڭ ستاتيستيكالىق مالىمەتتەرى، الەۋمەتتىك زەرتتەۋلەر مەن ءانونيمدى ساۋالنامالار مەن سۇحباتتاردىڭ ناتيجەلەرى نەگىزگە الىنادى.
ەسكە سالايىق، بالالاردىڭ ءال-اۋقاتىنىڭ يندەكسى پرەمەر-مينيستردىڭ قاۋلىسىمەن بەكىتىلگەن. ءقازىر اقپارات جيناۋ بويىنشا بەلسەندى جۇمىس ءجۇرىپ جاتىر.
«بالالار ءال-اۋقاتىنىڭ ۇلتتىق مونيتورينگى دەگەنىمىز – قازاقستان رەسپۋبليكاسىنىڭ بارلىق تەرريتورياسىنداعى 3 ملن-نان استام بالانىڭ ءال-اۋقاتىن، جاعدايىن ءبىلۋ ءۇشىن جاسالىپ جاتقان مونيتورينگ. ياعني ينتەراكتيۆتى كارتا – بۇل اشىق اقپارات. وندا بالالاردىڭ جاعدايىنىڭ قاي وڭىرلەردە قانداي ەكەنىن، قانداي جاعدايدا تۇرعانىن كەز كەلگەن ازامات كورە الاتىن بولادى»، - دەيدى ق ر بعم بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى دۋلات جەكەبايەۆ.