ماينينگ كومپانيالارعا ەلەكتر ەنەرگياسىنىڭ نەعۇرلىم جوعارى ءتاريفى بەكىتىلمەك. بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ماينينگكە سالىقتى بىرنەشە ەسە ۇلعايتۋ جونىندەگى تاپسىرمانى ورىنداۋ بويىنشا مينيسترلىك ءتيىستى تاسىلدەردى پىسىقتاۋدا. بۇگىنگى تاڭدا شامامەن 640 مۆت ەلەكتر قۋاتىن رەسمي تىركەلگەن ماينينگتىك كومپانيالار تۇتىنادى. سونىمەن قاتار، «كولەڭكەلى» ماينينگتى تۇتىنۋ رەسمي تىركەۋدى تالاپ ەتەدى. بۇل رەتتە، ماينينگتىك كومپانيالار ەلەكتر ەنەرگياسىن تىكەلەي ەنەرگيا ءوندىرۋشى ۇيىمداردان نەمەسە رەتتەلمەيتىن ەنەرگيامەن جابدىقتاۋشى ۇيىمداردان تۇتىنادى. مۇنىڭ باستى سەبەبى - ءتاريفتىڭ تارتىمدىلىعى»، - دەدى مينيستر.
ونىڭ اتاپ وتۋىنشە، وسىعان بايلانىستى مينيسترلىك تۇتىنۋشىلاردىڭ باسقا توپتارىنا قاراعاندا ولار ءۇشىن نەعۇرلىم جوعارى تاريفتەر بەلگىلەۋ ماقساتىندا ەنەرگيا ءوندىرۋشى ۇيىمدار تۇتىنۋشىلارىنىڭ جەكە توبىن ءبولۋ ماسەلەسىن قاراۋدى ۇسىنادى.