الماتى قالاسىندا 2022 جىلعى 15 اقپان قار تازالاۋ بويىنشا اقپارات
الماتى قالاسىندا قىستىڭ سوڭعى ايىندا رەكوردتىق مولشەردە - قالادا 17-20 سم قار (09.30-داعى جاعداي بويىنشا)، تاۋ بوكتەرىندەگى اۋدانداردا 35 سم-گە دەيىن، تاۋلى جەرلەردە 50 سم-گە دەيىن قار جاۋدى.
كوكتايعاقتىڭ الدىن الۋ ماقساتىندا ساعات 00.00-دەن باستاپ جولدارعا كوكتايعاققا قارسى ماتەريالدار سەبىلەدى. تۇنگى ساعات 03.30-دان باستاپ جول پوليسياسىنىڭ پاترۋلدىك ماشينالارىنىڭ ەرىپ جۇرۋىمەن قار كۇرەۋ كولوننالارى ۇيىمداستىرىلدى. تاڭەرتەڭگى قاربالاس ۋاقىتتا اۆتوكولىكتەردىڭ كەدەرگىسىز ءجۇرۋىن ۇيىمداستىرۋ ماقساتىندا ماگيسترالدى كوشەلەردە جانە قالانىڭ جوعارعى بولىگىندە قار ءۇش رەت تازارتىلدى.
تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، ورتاق پايدالانۋ ورىندارىن مەحانيكالاندىرىلعان جانە قولمەن تازالاۋ جۇمىستارى كۇشەيتىلدى.
ساعات 09.30-داعى جاعداي بويىنشا 450 تەكشە مەتر قار شىعارىلدى.
قار تازالاۋعا بارلىعى 616 بىرلىك ارنايى تەحنيكا، 1463 جول جۇمىسشىسى جۇمىلدىرىلدى، كوكتايعاققا قارسى 3050 توننا ماتەريال پايدالانىلدى.
اۋداندىق اكىمدىكتەردە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
"قازگيدرومەتتىڭ" بولجامى بويىنشا، 15 اقپاندا كۇننىڭ ءبىرىنشى جارتىسىندا قاردىڭ جاۋۋى توقتايدى. بۇگىن كۇندىز اۋا تەمپەراتۋراسى 0-3 گرادۋس اياز بولادى.
الماتى قالاسىنىڭ تۇرعىن ءۇي ساياساتى باسقارماسى