الماتى قالاسىنىڭ اكىمى ەربولات دوسايەۆ مەگاپوليستە جوعارى ينۆەستيسيالىق بەلسەندىلىك ساقتالىپ وتىرعانىن اتاپ ءوتتى. ماسەلەن، 2023 جىلدىڭ 11 ايىندا نەگىزگى كاپيتالعا 19،9% وسىممەن 1،5 ترلن تەڭگەدەن استام ينۆەستيسيا تارتىلدى.
سونىمەن قاتار، اتاپ وتىلگەندەي، جەكە ينۆەستيسيالاردىڭ ءوسىمى 30،3%-عا دەيىن جەدەلدەدى.
«ينۆەستيسيالار قۇرىلىمىندا IT-سەكتوردى 7،3 ەسەگە، دەنساۋلىق ساقتاۋدى 3،7 ەسەگە، وڭدەۋ ونەركاسىبىن 19،2 پايىزعا جانە ءتۋريزمدى 2 ەسەگە دامىتۋعا باسا نازار اۋداراتىن ساپالى وزگەرىستەر بار»، - دەدى الماتى اكىمى.
جوعارى ينۆەستيسيالىق بەلسەندىلىك پەن ەكونوميكانىڭ سەرپىندى دامۋى اعىمداعى جىلدىڭ 8 جەلتوقسانىندا Fitch Ratings تاراپىنان الماتىنىڭ كرەديتتىك رەيتينگىن «ۆۆۆ» دەڭگەيىندە «تۇراقتى» بولجاممەن راستاۋعا مۇمكىندىك بەردى.