الماتى قالاسىنىڭ اكىمى ەربولات دوسايەۆ 2023 جىلدىڭ 11 ايىندا قىسقا مەرزىمدى ەكونوميكالىق ينديكاتور 13%-عا ءوسىپ، كوشباسشى ورىنعا يە بولعانىن اتاپ ءوتتى، دەپ حابارلايدى almaty-akshamy.kz
ورتالىق كوممۋنيكاسيالار قىزمەتىنىڭ الاڭىندا وتكەن باسپا ءسوز ءماسليحاتىندا اكىم ەكونوميكانىڭ ءوسۋ قارقىنى تۋرالى حابارلادى.
اتاپ وتكەندەي، ەكونوميكالىق ءوسىم درايۆەرلەرى 17،7% وسىممەن وڭدەۋ ونەركاسىبى بولدى.
«قاراشادا جىلدىق ينفلياسيا 10،5%-عا دەيىن باياۋلادى. ەڭبەك نارىعىنداعى جاعداي جاقسارىپ كەلەدى. 79،5 مىڭ جۇمىس ورنى قۇرىلدى، ونىڭ 80 پايىزى تۇراقتى»، — دەدى ە.دوسايەۆ.
2023 جىلدىڭ قورىتىندىسى بويىنشا الماتى ەكونوميكاسىنىڭ ءوسىمىن 6،5% - عا دەيىن جەدەلدەتۋ كۇتىلۋدە، بۇل جان باسىنا شاققانداعى ءجوو-نى 21،2 مىڭ اقش دوللارى دەڭگەيىندە قامتاماسىز ەتۋگە مۇمكىندىك بەرەدى.