الماتىنىڭ بيۋدجەتى 2024 جىلى الەۋمەتتىك سالاعا باعىتتالادى
مەملەكەت باسشىسىنىڭ ساپارى كەزىندە بايانداما جاساعان الماتى اكىمى ەربولات دوسايەۆ 2024 جىلى قالا ەكونوميكاسىنىڭ دامۋ پەرسپەكتيۆالارىن اتادى، دەپ حابارلايدى almaty-akshamy.kz
ونىڭ ايتۋىنشا، 2023 جىلدىڭ قورىتىندىسى بويىنشا قالا ەكونوميكاسى 7،5% دەڭگەيىندە وسكەن. جوعارى بازا اياسىندا 2024 جىلى الماتىنىڭ جالپى وڭىرلىك ءونىمىنىڭ (ءجوو) ءوسۋى 25،4 ترلن تەڭگە كولەمىندە 5،5% دەڭگەيىندە بولجانادى.
2024 جىلعا ارنالعان قالا بيۋدجەتى 1،62 ترلن تەڭگەدەن استام مولشەردە بەكىتىلدى. ونىڭ ىشىندە اعىمداعى شىعىستارعا بيۋدجەتتىڭ 68،4% باعىتتالادى، بۇل 1،1 ترلن تەڭگەدەن اسادى. قالانىڭ دامۋ بيۋدجەتى 233 ملرد تەڭگە بولدى.
الماتى باسشىسى اتاپ وتكەندەي، قالا بيۋدجەتى الەۋمەتتىك سالاعا باعىتتالۋىن ساقتايدى جانە ءبىرىنشى كەزەكتە ق ر پرەزيدەنتى قاسىم-جومارت توقايەۆتىڭ الماتىنىڭ ورتا مەرزىمدى دامۋىنىڭ نەگىزگى باعىتتارى بويىنشا تاپسىرمالارىن ىسكە اسىرۋعا باعىتتالعان. الەۋمەتتىك ينفراقۇرىلىمدى دامىتۋ مەن جاڭعىرتۋعا، ءبىلىم بەرۋ جانە دەنساۋلىق ساقتاۋ قىزمەتىنىڭ قولجەتىمدىلىگى مەن ساپاسىن ارتتىرۋعا باسا نازار اۋدارىلادى.