الماتىدا ىسكەرلىك بەلسەندىلىكتىڭ ءوسۋى ينفلياسيا دەڭگەيىنىڭ تومەندەۋىنە ىقپال ەتەدى، دەپ حابارلايدى almaty-akshamy.kz
الماتىدا ينفلياسيا باياۋلاۋدا. ماسەلەن، اقپان ايىندا جىلدىق ينفلياسيا قارقىنى 2023 جىلعى جەلتوقسانداعى 10،2%-دان اعىمداعى جىلعى قاڭتارداعى 9،9% - عا دەيىن تومەندەدى، دەپ حابارلادى الماتى اكىمى ەربولات دوسايەۆ مەملەكەت باسشىسى قاسىم-جومارت توقايەۆتىڭ ساپارى كەزىندە.
«قازاقستان ۇلتتىق بانكىنىڭ مالىمەتىنشە، ەل ەكونوميكاسىنىڭ بارلىق نەگىزگى سالالارىندا ىسكەرلىك بەلسەندىلىكتىڭ كەڭەيۋىنە بايلانىستى ءۇش اي قاتارىنان ينفلياسيالىق كۇتۋ تومەندەۋدە. وڭ فاكتورلاردى ەسكەرە وتىرىپ، 2024 جىلى الماتىدا ينفلياسيا 7-8% دەڭگەيىندە بولجانادى»، - دەپ اتاپ ءوتتى الماتى اكىمى.
ايتا كەتۋ كەرەك، 2024 جىلعا ق ر ۇكىمەتى ەل بويىنشا ينفلياسيانى 6،5%، ال ۇلتتىق بانك 7،5 – 9،5% دەڭگەيىندە بولجايدى.