ۇلتتىق بانك جەلتوقساندا ۆاليۋتالىق ينتەرۆەنسيالار جۇرگىزگەن جوق.
جەلتوقساننىڭ قورىتىندىسى بويىنشا، تەڭگە 1 اقش دوللارى ءۇشىن 462،66 تەڭگەگە دەيىن 1،3%-عا نىعايدى. قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى ءبىر ايدا 132 ملن-نان 141 ملن اقش دوللارىنا دەيىن ۇلعايدى، دەپ حابارلايدى Almaty-akshamy.kz.
ق ر ۇلتتىق بانكى باسپا ءسوز قىزمەتىنىڭ حابارلاۋىنشا، ساۋدا-ساتتىقتىڭ جالپى كولەمى 2،95 ملرد اقش دوللارىن قۇرادى. ءبىر ايدا ۆاليۋتا نارىعى سۇرانىس پەن ۇسىنىس تۇرعىسىنان تەڭگەرىمدى بولدى، ايىرباستاۋ باعامى نارىق تالاپتارىنا ساي قالىپتاستى.
كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى ساتۋى وتكەن ايدىڭ ىشىندە شامامەن 328،7 ملن اقش دوللارىن قۇرادى. كۆازيمەملەكەتتىك سەكتور كومپانيالارى ۆاليۋتا نارىعىندا ساتۋدى ەكىنشى دەڭگەيلى بانكتەر ارقىلى ءوز بەتىنشە جۇزەگە اسىرادى.
جەلتوقساندا ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن 461 ملن اقش دوللارىنا ۆاليۋتا ساتىلدى. ۇلتتىق قوردان ساتۋ كولەمى ساۋدا-ساتتىقتىڭ جالپى كولەمىنەن 16% بولدى نەمەسە ءبىر كۇندە 31 ملن اقش دوللارىنان اسپادى. ۇلتتىق قوردىڭ قاراجاتىمەن وپەراسيالار جۇرگىزۋ كەزىندە ۇلتتىق بانك نارىقتىڭ بەيتاراپ قاعيداتىن ساقتايدى. بۇل شەتەل ۆاليۋتاسىن تۇراقتى ءارى بىركەلكى ساتۋ دەگەندى بىلدىرەدى. بۇل تاجىريبە ۇلتتىق قور وپەراسيالارىنىڭ ۆاليۋتا نارىعىنا اسەرىن مەيىلىنشە ازايتۋعا مۇمكىندىك بەرەدى.
زەينەتاقى اكتيۆتەرىنىڭ ۆاليۋتالىق ۇلەسىن قولداۋ ماقساتىندا ۇلتتىق بانك جەلتوقساندا بيرجالىق ساۋدا-ساتتىقتا شەتەل ۆاليۋتاسىن ساتىپ الدى، ونىڭ جالپى سوماسى 43،2 ملن اقش دوللارىن نەمەسە نارىقتىڭ جالپى كولەمىنەن شامامەن 1،5%-دى قۇرادى.
ۇلتتىق بانك جەلتوقساندا ۆاليۋتالىق ينتەرۆەنسيالار جۇرگىزگەن جوق. ترانسپارەنتتىلىك قاعيداتى اياسىندا ۇلتتىق بانك ۆاليۋتا نارىعىندا جۇرگىزىلەتىن بارلىق وپەراسيا تۋرالى تولىق اقپاراتتى ۇزدىكسىز جاريالايدى.
«قىسقا مەرزىمدى پەرسپەكتيۆادا تەڭگە ديناميكاسى گەوساياسي جاعدايدىڭ وزگەرۋىنە، ىشكى قاتىسۋشىلاردىڭ بولجامدارىنا جانە الەمدىك نارىقتارداعى جاعدايعا بايلانىستى بولادى. ۇلتتىق بانك تەڭگەرىمسىزدىكتەردىڭ جيناقتالۋىنا جول بەرمەيتىن جانە التىن-ۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانۋدى جالعاستىرادى»، - دەلىنگەن بانك حابارلاماسىندا.