(12 شوقجۇلدىز: جۇلدىز-جورامال)
جالپى، 2022 جىل تاعدىردىڭ كۇتپەگەن جاڭالىقتارىنا تولى، تىڭ، ەرەكشە بەلسەندى جىل بولادى. كەيبىر دەرەكتەردە بارىس جىلى 1 قاڭتاردا ەمەس، 1 اقپاندا باستالىپ، 2023 جىلدىڭ 21 قاڭتارىنا دەيىن جالعاسادى دەگەن جورامال بار. جىلدىڭ ەكى سيمۆولى بولادى: اعاش - تۇراقتى بولۋعا كومەكتەسسە، سۋ – سەزىمتالدىق، يكەمدىلىك پەن شىعارماشىلىق دامۋعا ىقپال ەتەدى.
جىرتقىش اڭ سەرپىنى ادامدار بويىندا وپتيميزم مەن ماقساتقا جەتۋگە دەگەن كۇش-جىگەردى وياتىپ، ارماندارعا تەزىرەك جەتۋگە كومەكتەسەدى. الدىڭعى سيىر جىلىمەن سالىستىرعاندا اناعۇرلىم بەلسەندىلىكتى بايقايسىز. بارىس كوپتەگەن وزگەرىستەر اكەلمەك. كوبىسى قاتەلىكتەرگە بوي الدىرادى. بارىس سىزدەردىڭ جولدارىڭىزدى ادەيى ۋاقىتشا بوگەپ، مىقتى بولۋعا يتەرمەلەيتىن جاعدايلار تۋىنداتادى. قىسقاشا ايتقاندا، بارىس سۇيە الاتىنداردى ەمەس، ماقساتتارىنا جەتۋگە دايىن ادامداردى قولداپ-قولپاشتايدى. سوعان قاراماستان، بارىس – سەنىمدى ءارى ادال حايۋان. سوندىقتان 2022 جىلدان ءۇي ىشىندە جىلىلىق، تۇراقتىلىق، تۇسىنىستىك پەن ماحاببات كۇتۋگە بولادى.
باسىندا توقتىلارعا 2021 جىلعى كەلەڭسىزدىكتەردەن ارىلۋ قيىنداۋ بولۋى مۇمكىن. ارى قاراي جىلجۋ ءۇشىن اتالعان ماسەلەلەرگە قاجەتتى ۋاقىت ءبولۋ ماڭىزدى. پايدا تابۋ جاعى باستى نازاردا بولماق. سوندىقتان جۇمىس ورنىڭىزدا تاپجىلماي ەڭبەك ەتۋ كەرەك نەمەسە جاڭا جۇمىس ىزدەۋ قاجەت. قالاعان دۇنيەڭىزدىڭ بارلىعىن ساتىپ الا الاسىز، الايدا قاراجاتتىڭ «قۇبىلمالىلىعىنا» دايىن بولىڭىز.
توقتىلاردىڭ جەكە ومىرىندە وزگەرىستەر كۇتىلۋدە. ءسىز ءساتتى تۇرمىس قۇرا/ۇيلەنە الاسىز نەمەسە جاڭا ماحاببات جىرىن باستايسىز. ەگەر ءسىز جالعىز بولماساڭىز، ەكىنشى سىڭارىڭىز جاڭا لاۋازىمعا تاعايىندالۋى مۇمكىن. ونىڭ وتباسىلىق بيۋدجەتكە وڭ اسەرى بولادى.
تابيعاتىنان قىزبا مىنەزدى توقتىلارعا ءبارىن اقىلمەن شەشۋگە ۇيرەنۋ كەرەك. ۇرىس-كەرىسكە بوي الدىرماڭىز. ودان بولەك، بيىل توقتى جالقاۋلىق نەمەسە العا جىلجۋ قارقىنىن باسەڭدەتۋدى مۇلدەم ويلاماۋى ءتيىس. ەگەر جوسپارعا سايكەس جۇرسەڭىز، ءبارى ويداعىداي بولادى. 2022 جىل ءسىزدىڭ جاقسى قىرىنان اشىلۋىڭىزعا جول اشادى.
دەنساۋلىققا كەلەر بولساق، توقتىعا ءاۋ باستان قامدانا تۇسكەن دۇرىس. زياندى كوزقاراستاردان ارىلۋعا، ەموسيالارىڭىزدى باقىلاۋدا ۇستاۋعا جانە جۇيكە جۇيەڭىزدى شارشاتپاۋعا تىرىسىڭىز.
تورپاقتار ءۇشىن 2022 جىل تۇراقتىلىعىمەن سيپاتتالادى. باستاپقى ايلار دەتوكس پەن تازارۋ ۋاقىتى بولماق. سانانى شىرمالاعان كوپتەگەن ويلار مەن يدەيالاردى قويا تۇرىپ، وزىڭىزگە كوڭىل ءبولىڭىز. كۇش-جىگەرىڭىزدى جيناقتاۋدىڭ تاپتىرماس جولى. وسىعان دەيىن كۇتىنبەي، ۋشىقتىرىپ العان سوزىلما اۋرۋلارعا ۋاقىت بولەتىن كەز كەلدى. شۇعىل ىستەرمەن جۇگىرەمىن دەپ، جاۋاپكەرشىلىك جايلى ۇمىتپاڭىز.
اقشا جاعىنان بارىس جىلى كىشكەنە قيىنداۋ بولماق. جىلدىڭ ءبىرىنشى جارتىسىندا جۇمىستا كەلەڭسىزدىكتەر مەن قالتاڭىز كوتەرمەيتىن شىعىندار بولۋى مۇمكىن. قىزمەت اياسىن وزگەرتۋگە دەيىن بارۋىڭىز مۇمكىن. بۇل تالپىنىسىڭىز ءسىزدىڭ جۇمىس قابىلەتىڭىز بەن ىنتاڭىزعا تىكەلەي بايلانىستى. ءوزىڭدى دامىتۋعا ۇمتىلىس پەن ءبىلىم الۋ – ءسىزدىڭ باستى مىندەتىڭىز بولادى.
ماحاببات اياسىندا كەمەڭىز كەدەرگىلەرگە تاپ بولمايدى. ءبىرىنشى جارتىجىلدىق عاشىعىڭىزدى ىزدەپ تابۋعا تاپتىرمايتىن ۋاقىت.
كەز كەلگەن جاعدايعا يكەمدەلە العان ەگىزدەرگە بيىلعى جىل شۋاعىن مولىنان شاشپاق. كەيدە ماڭىزدى شەشىمدەر قابىلداۋ بارىسىندا تەز ءارى جىلدام، ءتىپتى، تاۋەكەلگە سالىپ ارەكەت ەتۋ كەرەك بولادى. بارىس جىلىندا جۇمىستارىڭىزدى كەيىنگە قالدىرماڭىز. ەگىزدەر تۋىنداعان قيىندىقتارعا نەعۇرلىم تەز كوڭىل بولسە، سوعۇرلىم تەز ولار شەشىمىن تابادى.
ماحاببات ماسەلەسىندە ەگىزدەردىڭ كۇتپەگەن وقيعا جەلىسى تۋىنداۋى مۇمكىن. سەزىم مەن ەموسياعا كەلگەندە وزىڭىزگە ەرىك بەرىڭىز.
دەنساۋلىققا بيىل مۇقيات قاراعان ءجون. ەگىزدەر جىل باسىندا جاراقات الۋى مۇمكىن. پروفيلاكتيكالىق تەكسەرۋدەن ءوتۋ ارتىق ەتپەيدى، سوزىلمالى اۋرۋلارعا دا نازار اۋدارىڭىز.
ەگىزدەردە قارجى سالاسىندا ناعىز توڭكەرىس ورىن الادى، سوندىقتان ۇتىلماس ءۇشىن ءوز مۇمكىندىكتەرىڭىزدىڭ شەگىندە، بار ىنتا-جىگەرىڭىزدى سالۋعا تۋرا كەلەدى.
جىل باسىندا شايانداردىڭ ءۇي ىشىندەگى جاعدايعا كوڭىلى تولماۋى مۇمكىن. سونىڭ سالدارىنان ۇرىس-كەرىس ورىن الىپ، ءتىپتى، جۇپتارىڭىز جازىلۋى مۇمكىن. الايدا، ەموسياعا بەرىلمەي، لوگيكانى باسشىلىققا الۋ كەرەك. كۇزگە قاراي ماحاببات ماسەلەلەرى وڭالا ءتۇسۋى ءتيىس. جالعىزباستى شاياندار وزدەرىنە ساي جاندى كەزدەستىرە الادى.
دەنساۋلىق جايلى ايتار بولساق، تۇماۋعا وڭاي بوي بەرەتىندەرگە اباي بولۋ كەرەك. ۆيرۋستار كەزەڭىنە ساقاداي دايىن بولۋ ءۇشىن، كۇتىنۋدى جىلى كەزدەن باستاڭىز. جىل سوڭىندا شايان ءوزىن فيزيكالىق تۇرعىدان بولسىن، مورالدىق جاعىنان بولسىن جاقسى سەزىنەتىن بولادى. دەگەنمەن، وزىڭىزگە قامقور بولۋدى ۇمىتپاڭىز.
قاراجات جاعىنا كەلگەندە، شاياندارعا تياناقتى بولۋ كەرەك. بارىس جىلى ءسىز ءوزىڭىزدى جۇمىستا بارىستاي سەزىنەتىن بولاسىز. بولاشاقتا ەڭبەگىڭىزدىڭ اقشالاي جەمىسىن كورۋ ءۇشىن جۇمىس بابىمەن كوپ جۇگىرىپ، ءبىراز كۇش جۇمساۋ كەرەك. ەڭبەگىڭىز ەش كەتپەيدى!
وعان قوسا، شاياندارعا ءوزىن-وزى باعالاۋدىڭ جولىن تابۋ كەرەك بولادى. كوڭىل كۇيىڭىز بەن ىس-ارەكەتتەرىڭىزدى باقىلاۋدا ۇستاۋ – باستى قولعاناتىڭىز. جانىڭىزداعىلاردىڭ اشىق اراڭداتۋشىلىق ارەكەتتەرىنە بوي بەرمەڭىز. ءومىردى كۇرت وزگەرتۋ، ۇزاققا جول تارتۋ، قاجەتتى دايىندىقسىز ماماندىق اۋىستىرۋ بارىستىڭ اشۋىنا ءتيۋى مۇمكىن. ءبىرقالىپتى ءومىر سۇرسەڭىز، بيىلعى جىل وڭىنان بولماق.
2022 جىل ارىستاندار ءۇشىن بار جاعىنان بەلسەندى بولماق. تانىستار اياسى كەڭەيىپ، جەكە ومىرىڭىزدە جاعىمدى جاڭالىقتار ورىن الۋى مۇمكىن. وزىڭىزگە ءتان قاسيەتتەردەن – بەلسەندىلىك، جان-جاقتىلىق، سۇيىسپەنشىلىكتەن ارىلماڭىز. ءوزىڭىزدىڭ ەگوڭىزعا ءساتتى مامىلە مەن جاقسى قارىم-قاتىناستاردى قۇرتۋعا جول بەرمەڭىز.
وتباسىلى ارىستانداردان ومىرلىك سەرىكتەرى كوڭىل بولۋلەرىن كۇتەدى. وعان ءبىراز كۇش كەرەك، سول سەبەپتى ءۇي ىشىندە ۇرىس-كەرىس بولۋى مۇمكىن. الايدا، تاكاپپارلىققا سالىنباي، كەرىسىنشە سەرىگىڭىزدىڭ ومىرىڭىزدە الار ورنىن تۇسىندىرۋدەن جالىقپاڭىز.
بارىس جىلى ارىستانداردىڭ قارجىلاي جاعدايىن الاڭداتۋى مۇمكىن. جۇلدىزدار ءيمپۋلسيۆتى جانە ءىرى ساتىپ الۋلاردان ساق بولۋعا كەڭەس بەرەدى. ماقساتى انىق جاندارعا جۇمىستا مانسابى نەمەسە جالاقىسى ءوسۋى كۇتىلۋدە. الايدا، وزگە قىزمەتكە اۋىسقاندا ءالىڭىزدى ەسكەرىڭىز.
ۋاقىتىلى دەمالۋدى دا ۇمىتپاڭىز. ارىستان ءوزىن-وزى كۇتپەسە، دەنساۋلىعى سىر بەرۋى ابدەن مۇمكىن. مورالدىق كۇيرەۋگە جول بەرمەڭىز، ايتپەسە تەز شارشاپ، ارىستان تىزگىنىن جىبەرىپ العانداي سەزىمدە قالادى.
بيكەشتەردىڭ 2022 جىلى ايى وڭىنان تۋىپ، ءساتتى كەزەڭدى باستان كەشەدى. جالقاۋلىقتى ۇمىتىپ، ءوزىڭدى دە، وزگەنى دە الداماۋ كەرەك. بارىس جىلى بيكەشتەردى ماحاببات ءوز قاراماعىنا الماق. بالكىم، سىزگە باتىلىراق بولىپ، بۇعان دەيىن بارماعان ارەكەتكە جول بەرۋ كەرەك شىعار. جالعىزسىراعان بيكەشتەردىڭ جەكە ءومىرى جاقسى جاققا بەت الۋعا ءتيىس. وتباسىلى بيكەشتەردى جانجالعا اكەلەتىن وقيعالار لەگى كۇتۋدە. سىزگە دە، سىڭارىڭىزعا دا قارىم-قاتىناستاعى رولدەرىڭىزدى انىقتاپ العان ءجون.
بيكەشتەردىڭ دەنساۋلىعى بيىل سىر بەرمەۋى كەرەك. الايدا، ۋاقىتىلى دەمالىستى ەستەن شىعارماعان ءجون. بارىس جەكە ومىردە، وشاق قاسىنداعى كومەك ءۇشىن سىباعاسىن كۇتەدى. سوندىقتان ەنەرگياڭىزدى ۇنەمدەپ، ءوزىڭىزدى تونۋستا ۇستاعانىڭىز دۇرىس. سۇيىكتى ىسىڭىزگە دە ۋاقىت ءبولۋدى ەستەن شىعارماڭىز.
اقشا، قارجى جاعىن ايتار بولساق، كۇتپەگەن ۇسىنىستار دا، تاۋەكەلگە تولى ارەكەتتەر دە جەتكىلىكتى بولادى. مۇندايدا سالقىنقاندىلىق تانىتىپ، وڭاي اقشا تابۋعا سەنىم ارتپاي، تاۋەكەلگە بارعاندا دا مۇمكىن بولار شىعىننىڭ مولشەرى از بولۋعا ءتيىس.
2022 جىل تارازىلارعا ءومىرىن جاقسى جاققا وزگەرتۋگە قولۇشىن سوزادى. وڭ وزگەرىستەر تەزىرەك كەلسىن دەسەڭىز، يوگامەن اينالىسىپ، ءپوزيتيۆتى ويلاڭىز. ءسىزدى تەك جوعارىعا جەتەلەيتىن جانداردى تابۋعا تىرىسىڭىز.
جالعىزباستى تارازىلاردىڭ كوپتەن كۇتكەن قوساقتارىن تابۋدا جولى بولۋى مۇمكىن. الايدا، ءسىز ءوزىڭىز باستاماشىلىق ەتۋىڭىز ءتيىس.
تارازىلارعا دەنساۋلىعىن ءبىرقالىپتا ۇستاۋ قيىن سوقپايدى، الايدا جان-دۇنيەڭىزدىڭ جاعدايىنا كوڭىل اۋدارعان ءجون. تۇماۋدان باس كوتەرمەسەڭىز، جازعى دەمالىستى تەڭىز جاعاسىندا وتكىزۋدى جوسپارلاعان دۇرىس. جۇرەك قان-تامىر اۋرۋلارىمەن اۋىراتىندارعا ۋايىمعا سالىنباي، توزىمدىلىكتى قورعاۋى كەرەك. كەرەك دەسەڭىز، جۇمىستان، قوسىمشا قارجىدان باس تارتۋعا تۋرا كەلۋى مۇمكىن.
بۇعان دەيىن «قارجى» قازىعىن قاعىپ ۇلگەرگەندەردىڭ جاعدايى جاقسى بولماق. بيىلعى جىل ءوزىنىڭ شەشىمدەرىنە سەنىمدى، قارسىلاستارىنان قورىقپايتىن وجەتتەر ءۇشىن جەڭىسكە تولى جىل بولماق.
سارىشاياندارعا جىل باسىندا سەرپىلىس جاساۋ ءۇشىن ءۇي ىشىندەگى جىلىلىق وتىن تۇتاتۋ كەرەك. جۇلدىزدىڭ بەلسەندى ومىرلىك ۇستانىمى بولاشاق سەرىكتەردىڭ نازارىنان تىس قالمايدى، الايدا قارىم-قاتىناس ورناعانىمەن، ۇزاققا بارمايدى. بالا-شاعاسى بار سارىشاياندارعا بارىس سىناق دايىندادى. جەكە قارىم-قاتىناس تىعىرىققا تىرەلگەندەي كورىنىپ، جانجال دا بولۋى مۇمكىن. دەگەنمەن، بارىس سىزگە، جاقىندارىڭىزعا ءوز سەزىمىن قابىلداۋعا كومەگىن تيگىزەدى. قيىندىقتارعا قاراماستان، ەڭ باستىسى، بىرگە بولۋ، قولداۋ كورسەتۋ. بارىس ساتقىندار مەن زيناقورلاردى جاقتىرمايدى، اشۋىنا قالۋىڭىز ىقتيمال.
دەنىڭىزدىڭ ساۋلىعىنا باسا نازار اۋدارىڭىز. جىل شيەلەنىسكە تولى بولعاندىقتان، دەمالىس جەتىسپەي قالۋى مۇمكىن. اعزاڭىزعا جاڭا دەم بەرۋدى ۇمىتپاڭىز، ايتپەسە بەلسەندىلىك فيزيكالىق، مورالدىق تۇرعىدان شارشاتىپ جىبەرەدى.
سارىشاياندار بيىل قارجى سالاسىندا بيىك شىڭداردى باعىندىرادى. ەڭ باستىسى، ساراڭدىق تانىتپاڭىز. الدىمەن تاۋەكەلدى باعالاپ الىپ، شەشىم قابىلداعان دۇرىس. بەلسەندى سارىشايانداردى مانساپ ساتىسىندا جوعارىلاۋ كۇتەدى. بايىپتىلىقپەن قاراڭىز! قالتاڭىزعا قاراي ءومىر ءسۇرىڭىز، اقشاڭىز جەتپەيتىن دۇنيەنى الۋدا ساق بولىڭىز. اسا بەلسەندىلىك كەرىسىنشە ناتيجە بەرۋى مۇمكىن. ونى دا ەسكەرگەنىڭىز ءجون.
جالعىزباستى مەرگەندەر قىزىقتى جانداردى كەزدەستىرۋى مۇمكىن. الايدا، ءسىزدىڭ ماقساتىڭىز وتباسى قۇرۋ بولسا، ماڭىزدى قادام الدىندا سەرىگىڭىزدى مۇقيات تاڭداعان دۇرىس.
دەنىڭىزدىڭ ساۋلىعىنا مۇقيات بولىڭىز، اسىرەسە، دەمالىسسىز جۇمىس ىستەسەڭىز. سوزىلمالى اۋرۋلارى بار مەرگەندەرگە ەمدەلۋدى كەيىنگە قالدىرماۋعا كەڭەس بەرەمىز. شارشاعاندى باسۋ ءۇشىن تىنىس الۋ گيمناستيكاسىمەن اينالىسۋ ارتىق ەتپەيدى.
2022 جىلى ماڭساپ پەن قارجى سالاسى قالاي بولارى انىق ەمەس. ەگەر مەرگەندەر كەز كەلگەن جاعدايدى دۇرىس باعالاپ، ءوزى ءۇشىن قورىتىندى شىعارا السا جەڭىسكە وڭاي جەتەدى. جۇلدىزجورامال «ون رەت ولشەپ، ءبىر رەت كەسۋگە» كەڭەس بەردى. ارتتا قالىپ قالماۋ ءۇشىن باسەكەلەستەرىڭىزدەن كوز جازباڭىز، ءبىراق اسىعىستىققا سالىنباڭىز. ىمىراعا كەلسەڭىز، الىسقا باراسىز. ساتتىلىك تە سەرىگىڭىزگە اينالادى. ەڭ باستىسى، بارىنە دايىن بولىڭىز!
تاۋەشكىلەر ءۇشىن جىل باسى جاعىمدى بولادى. بارىس بولاشاقتىڭ پەردەسىن اشىپ، سىزگە كوپتەن بەرى الاڭداتىپ جۇرگەن سۇراقتاردىڭ جاۋابىن حابارلايدى. تاۋەشكىلەر توسىن دۇنيەدەن الشاق بولعانىمەن، بيىل وتكەندى ارتتا قالدىرىپ، ءومىرىڭىزدى وزگەرتۋدەن قورىقپاڭىز.
ماحاببات الەمىندەگى وزگەرىستەردى انىق بولجاۋعا كەلمەيدى. ەگەر سەرىگىڭىزبەن قارىم-قاتىناسىڭىز قيىنداپ كەتسە، ايىرىلىسىپ كەتۋلەرىڭىز ابدەن مۇمكىن، بۇل شەشىم جانىڭىزعا قاتتى باتارى ءسوزسىز. ءبىراق كەيىن تاۋەشكى ءوزىن العا جەتەلەيتىن بوستاندىق سەزىمىنە يە بولادى.
دەنساۋلىققا كەلەر بولساق، كەيبىر جاندارعا تىنىس الۋ ورگاندارىنا نازار اۋدارعان دۇرىس. 2022 جىل جۇمىستاعى قاربالاسپەن سيپاتتالعانىمەن، جان مەن ءتانىڭىزدىڭ ساۋلىعى ءۇشىن سپورت نەمەسە ساۋىقتىرۋ امالدارىنا ۋاقىت بولۋگە تۋرا كەلەدى.
قارجى سالاسىندا تاۋەشكىلەرگە ءبىراز تەر توگۋ كەرەك. اقشا اسپاننان تۇسەدى دەگەنگە سەنۋدىڭ قاجەتى جوق، تەك ادال ەڭبەك قانا قارجىلاي جەتىستىكتەر مەن مانساپتاعى وڭ وزگەرىستەرگە جەتكىزەدى.
سۋقۇيعىشتار ءۇشىن بيىلعى جىل قاي جاعىنان بولماسىن جاقسى جاڭالىقتارعا تولى بولماق. قالاعانىڭىزعا تەزىرەك قول جەتكىزۋ ءۇشىن ارماندارىڭىزدى ءتىزىپ جازىپ، بويعا ەرىك بەرگەن ءجون. جاڭا سىناقتاردان قورىقپاڭىز، ءسىزدىڭ ۋاقىتىڭىز كەلگەنىن ۇمىتپاڭىز.
2022 جىلى سۋقۇيعىشتار جاڭا اسەر ىزدەپ، قارىم-قاتىناسقا تۇسۋگە ىنتالى بولادى. الايدا، سەرىكتەردى اۋىستىرامىن دەپ جاقىن ادامىڭىزدىڭ سەنىمىنەن ايىرىلىپ قالۋىڭىز مۇمكىن. وتباسىلى سۋقۇيعىشتار ءۇي ىشىندە تۇسىنىسبەۋشىلىكتەرگە تاپ بولۋى ىقتيمال. ومىرلىك سەرىگىڭىزگە كىنا ارتۋدىڭ ورنىنا ءوز جولىڭىزدى قايتا قاراپ، بىرگە ارى قاراي ءومىر جولىن جالعاستىرۋعا بولارىن/بولماسىن انىقتاعان ءجون.
سۋقۇيعىشتاردىڭ جاعدايى ءومىردىڭ تىنىش ىرعاعىنا ساي جاقسى بولماق. دەگەنمەن، كوپ كۇش جۇمساۋدىڭ قاجەتى جوق، ودان دا بولاشاققا قامدانعان دۇرىس. سپورتپەن اينالىسىپ، جانىڭىزعا تىنىشتىق سىيلايتىن مەديتاسياعا دەن قويعان، تاماقتانۋ سالتىن جاقسارتىپ، زياندى ادەتتەردەن ارىلعان ابزال. ماڭسابىڭىزدىڭ دارەجەسىن كوتەرەمىن دەپ جۇگىرگەنشە ءوزىڭىزدى جەتىلدىرىپ، جاڭا قىزمەتكە دايىندىعىڭىزدى شىڭداۋعا كەڭەس بەرىلەدى.
قارجى الەمىندە تۇراقتىلىقتى كۇتۋدىڭ قاجەتى جوق. بۇعان دەيىن ينۆەستيسيا سالىپ ۇلگەرگەندەر ەندى عانا جەمىسىن كورەدى. قىزمەتىڭىزدى جوعارىلاتۋدى سۇراعاندا اباي بولىڭىز، جالاقىڭىزدى كوتەرۋ تۋرالى ءوتىنىشىڭىز ناتيجەلى بولادى. جالپى، سۋقۇيعىشتارعا قارجىلىق تۇراقتىلىققا دەن قويۋ كەرەك.
بالىقتار ءۇشىن 2022 جىل وزگەرىستەرمەن، قونىس اۋدارۋمەن ەرەكشەلەنەتىن بولادى. جاڭا جۇمىس نەمەسە پاتەر – ءسىزدى بيىككە باستايتىن العاشقى قادام. پايدا اكەلەتىن، جۇرەگىڭىزگە جاقىن ءىستى ىزدەپ كورىڭىز. جاز ۋاقىتىندا ارتىق ۋايىم-قايعىدان اۋلاق بولىڭىز. ءبارىن جەڭىپ شىعاتىنىڭىزعا كۇماندانباڭىز. بالىقتار جىل بويى وقيعانىڭ ءدال وشاعىندا جۇرەدى.
جالعىز جۇرگەن بالىقتار جاڭا تانىسۋلار ارقاسىندا ومىرلىك سەرىگىن تابا الادى. بالكىم، قاسىڭىزدا ۇزاق ۋاقىت جۇرگەن تانىسىڭىز دا سىزگە لايىقتى بولۋى مۇمكىن. ال وتباسى بار بالىقتارعا بيىلعى جىل قيىندىق اكەلۋى ىقتيمال. كوشباسشىلىق پەن سوڭعى ءسوزدىڭ سالماعىنا بولا كيكىلجىندەر تۋىندايدى. جۇلدىزدار مامىلەگە كەلۋگە كەڭەس بەرەدى.
ەگەر كۇتىنۋدى ۇمىتپاسا، بالىقتاردىڭ دەنساۋلىعى 2022 جىلى قاناعاتتانارلىق بولادى. كۇشىڭىزدى سارىپ ەتپەس ءۇشىن، ءوزىڭىزدى قورعاعان دۇرىس: ۇنەمى دەمالۋ، الدىن الا دارىگەرلەر تەكسەرۋىنەن ءوتۋ.
قارجىلاي جەتىستىككە جەتۋ ءۇشىن جىل باسىنان بالىقتارعا جۇمىسقا دەن قويعان دۇرىس. كەزدەيسوق وقىلىقتاردى دا ەسكەرگەن ءجون. بيۋدجەتىڭىزگە ساي ەمەس بولسا، ءىرى ساۋدا جاساۋدىڭ قاجەتى جوق. جىگەرلى جاندارعا قىزمەتتە كوتەرىلۋ جايىندا ويلاعان ءجون. ولاردىڭ كوپتەن كۇتكەن قىزمەتكە تاعايىندالۋى ابدەن مۇمكىن.
ازىرلەگەن دينارا مۇرات