2020 جىلدىڭ قورىتىندىسى بويىنشا «ماك» وسك» اق شامامەن 800 ملن تەڭگە تولەدى
«مەملەكەتتىك اننۋيتەتتىك كومپانيا» ءومىردى ساقتاندىرۋ كومپانياسى» اق (بۇدان ءارى – «ماك» وسك» اق) رەسپۋبليكالىق بيۋدجەتكە كومپانيانىڭ 2020 جىلعى تازا تابىسى سوماسىنىڭ 70%-ىن جالپى سوماسى 770 ملن تەڭگەگە تولەدى، دەپ حابارلادى Almaty-akshamy.kz. ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارىنا سىلتەمە جاساپ.
ق ر ۇكىمەتىنىڭ 2020 جىلعى 27 ناۋرىزداعى قاۋلىسىنا سايكەس جارعىلىق كاپيتالىندا مەملەكەتتىڭ 100% قاتىسۋ ۇلەسى بار كومپانيالار 2019 جىلدىڭ قورىتىندىسى بويىنشا تازا كىرىس سوماسىنىڭ 100%-ىنا دەيىنگى جانە 2020 جىلدىڭ قورىتىندىسى بويىنشا كەمىندە 70%-ىنا دەيىنگى مولشەردە بيۋدجەتكە ديۆيدەندتەر تولەۋدى جۇزەگە اسىرۋعا مىندەتتى بولدى.
«ماك» وسك» اق جاريالاعان اۋديتتەلگەن شوعىرلاندىرىلعان ەسەپتىلىككە سايكەس 2020 جىلدىڭ قورىتىندىسى بويىنشا كومپانيانىڭ تازا پايداسى 1،1 ملرد تەڭگەنى قۇرادى. «ماك» وسك» اق جالعىز اكسيونەرى رەتىندە ق ر ەڭبەك جانە حالىقتى الەۋمەتتىك قورعاۋ مينيسترلىگى رەسپۋبليكالىق بيۋدجەتكە كومپانيانىڭ تازا تابىسى سوماسىنىڭ 70%-ىن، ياعني 770 ملن. تەڭگە تولەۋ تۋرالى شەشىم قابىلدادى.
سونداي-اق وتكەن جىلى «ماك» وسك» اق ق ر ۇكىمەتىنىڭ تالاپتارىنا تولىق سايكەس 2019 جىلعى تازا تابىس سوماسىنىڭ 100%-ىن رەسپۋبليكالىق بيۋدجەتكە تولەگەن مەملەكەتتىك كومپانيالار قاتارىندا بولعانىن اتاپ ءوتۋ قاجەت.
«2015 جىلدان باستاپ 2020 جىلعا دەيىن جۇزەگە اسىرىلعان قىزمەت ءۇشىن «ماك» وسك» اق رەسپۋبليكالىق بيۋدجەتكە تولەگەن ديۆيدەندتەردىڭ سوماسى 3،8 ملرد. تەڭگەنى قۇرادى. قازىرگى ۋاقىتتا كومپانيانىڭ ساقتاندىرۋ رەزەرۆتەرى بويىنشا كورسەتكىشتەردىڭ مەنشىكتى اكتيۆتەر مولشەرىنە قاتىناسى 83%-دى قۇرايدى، بۇل «ماك» وسك» اق-نى قازاقستاننىڭ ءومىردى ساقتاندىرۋ نارىعىندا نەعۇرلىم تۇراقتى كومپانيا ەتەدى»، – دەپ حابارلادى «ماك» وسك» اق باسقارما ءتوراعاسى عالىم امەرحودجايەۆ.
ەستەرىڭىزگە سالا كەتەيىك، «ماك» وسك» اق ءومىردى ساقتاندىرۋ نارىعىندا 2005 جىلدان باستاپ جۇمىس ىستەيدى. كومپانيا قىزمەتىنىڭ نەگىزىن زەينەتاقى اننۋيتەتى باعدارلامالارى جانە قىزمەتكەرلەردى ەڭبەك مىندەتتەرىن ورىنداۋ كەزىندە جازاتايىم وقيعالاردان مىندەتتى ساقتاندىرۋ ونىمدەرى قۇرايدى. كومپانيا ءومىردى ساقتاندىرۋ نارىعىندا 16 جىلدان استام جۇمىس ىستەي وتىرىپ، ءوز قىزمەتىن مەملەكەتتىك قارجىلاندىرۋسىز، ونىمدەردى ساتۋدان جانە ينۆەستيسيالىق قىزمەتتەن پايدا الا وتىرىپ جۇرگىزەدى.