اپتاپ ىستىق، نايزاعاي، جەل
قازگيدرومەت سينوپتيكتەرى 2 تامىز، سەيسەنبىگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
سيكلون جانە وعان بايلانىستى اتموسفەرالىق فرونتتار قازاقستان اۋماعىنىڭ باسىم بولىگىنە اسەر ەتەدى.
سالدارىنان جاڭبىر جاۋىپ، نايزاعاي جارقىلدايدى، ەكپىندى جەل سوعادى. كۇندىز بۇرشاق جاۋۋى مۇمكىن.
تۇندە جانە تاڭەرتەڭ رەسپۋبليكانىڭ سولتۇستىگىندە، سولتۇستىك-باتىسىندا، سولتۇستىك-شىعىسىندا تۇمان تۇسەدى.
تەك قيىر باتىستا انتيسيكلون سىلەمىنىڭ ىقپالىنان اۋا رايى جاۋىن-شاشىنسىز بولادى.
كۇندىز اتىراۋ وبلىسىنىڭ باسىم بولىگىندە قاتتى ىستىق ساقتالادى.
تۇركىستان، قىزىلوردا وبلىستارىنىڭ باسىم بولىگىندە، اباي، اتىراۋ وبلىستارىنىڭ وڭتۇستىگىندە توتەنشە ءورت ءقاۋپى ساقتالادى.