بەلگيانىڭ فلاماند ايماعىنداعى بورگەرحاۋت قالاسىندا جەكسەنبى كۇنى كەشكىسىن ۇزىندىعى كەمىندە 2 شاقىرىم بولاتىن اۋىزاشار داستارحانى جايىلدى.
اۋىزاشار شاراسى تيۋرنحاۋتسەباان كوشەسىندە ۇيىمداستىرىلدى. وعان 6 مىڭعا جۋىق ادام جينالعان، دەپ حابارلايدى اlmaty-akshamy.kz.
«بيىل كاتوليكتىك پاسحا مەيرامى مۇسىلمانداردىڭ قاسيەتتى رامازان ايىنىڭ ورتاسىنا كەلەدى. سوندىقتان ءبىز اۋىزاشار ءۇشىن بۇدان دا كوپ ادام جيناعىمىز كەلدى»، - دەدى بەلگياداعى ءارتۇرلى دياسپورالاردى بىرىكتىرەتىن FMV ۇيىمىنىڭ وكىلى لاتيفا ەل مورابيت.
اۋىزاشارعا كەلگەندەر پالەستينانىڭ كۇرىش تاعامدارىن، پاستا سالاتى نەمەسە ماروككو سورپاسىنان ءدام تاتتى.
وتكەن جىلى بورگەرحاۋتتا 1 شاقىرىمدىق داستارحان باسىندا اۋىزاشار ۇيىمداستىرىلدى. اۋدان اكىمشىلىگىنىڭ باستاماسىمەن بيىل تاعى ءبىر شاقىرىم قوسىلدى.
بەلگيالىق ب ا ق كاتاردىڭ Al Jazeera تەلەكومپانياسى بورگەرحاۋتتاعى «رەكوردقا» جەكە رەپورتاج ارناعانىن قوستى.