24 قاڭتاردا الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى مارات پاشيموۆ №2 بالالار قالالىق كلينيكالىق اۋرۋحاناسىنا جۇمىس ساپارى بارىسىندا 2025 جىلعى مەديسينالىق قىزمەت كورسەتۋدىڭ ەسەبىن تىڭداپ، ودان ءارى دامۋدىڭ نەگىزگى باسىم باعىتتارىن بەلگىلەدى.
ەسەپتە كلينيكالىق، قارجىلىق جانە ۇيىمداستىرۋشىلىق كورسەتكىشتەر تولىق ۇسىنىلدى. مارات پاشيموۆ مەديسينالىق-سانيتارلىق العاشقى كومەك پەن بالالار ستاسيونارلارىنىڭ ءوزارا ءىس-قيمىلىن كۇشەيتۋ، جاس مامانداردىڭ كاسىبي بىلىكتىلىگىن ارتتىرۋ، پاسيەنتتەردىڭ قاناعاتتانۋشىلىعىن جوعارىلاتۋ جانە شاعىمدى ازايتۋ جۇمىستارىن جۇيەلەندىرۋ قاجەتتىگىن اتاپ ءوتتى. سونداي-اق، بالالارعا ساپالى جانە قولجەتىمدى ستاسيونارلىق كومەك كورسەتۋدىڭ ماڭىزىنا توقتالدى.
№2 بالالار قالالىق كلينيكالىق اۋرۋحاناسى جوسپارلى، شۇعىل، وڭالتۋ جانە كونسۋلتاسيالىق-دياگنوستيكالىق كومەك كورسەتەتىن جەتەكشى مەديسينالىق ۇيىم سانالادى. 2025 جىلى ستاسيونارلىق كومەك كولەمى 4،3%-عا، جوسپارلى ەمدەۋگە جاتقىزۋ 2،3%-عا ارتتى. ءبىر جىل ىشىندە 3 500-دەن استام وتا جاسالىپ، 20-دان استام يننوۆاسيالىق ەمدەۋ ءادىسى ەنگىزىلدى، ولاردىڭ ءبىر بولىگى قازاقستاندا تەك وسى اۋرۋحانادا قولدانىلادى. جابدىقتارمەن قامتىلۋ كورسەتكىشى – 98،08%، كادرلىق قامتاماسىز ەتۋ – 99%.
2026 جىلى اۋرۋحانانىڭ باستى باسىمدىقتارى رەتىندە حيرۋرگيالىق بەلسەندىلىكتى ارتتىرۋ، سالالىق كافەدرالارمەن ءوزارا ءىس-قيمىلدى دامىتۋ، جاڭا كورپۋس قۇرىلىسىنىڭ مونيتورينگىن جۇرگىزۋ، 15 ورىندىق پاللياتيۆتىك بولىمشە اشۋ، التى قۇزىرەتتىلىك ورتالىعىن قۇرۋ جانە ەەگ-تى اۆتوماتتى تۇردە ءتۇسىندىرۋ ءۇشىن ZiyatronAI جۇيەسىن ەنگىزۋ كوزدەلگەن.
كەزدەسۋ قورىتىندىسى بويىنشا مارات پاشيموۆ قۇزىرەتتىلىك ورتالىقتارىن دامىتۋ، پاللياتيۆتىك كومەكتى وڭتايلاندىرۋ، حالىقارالىق عىلىمي-تاجىريبەلىك ىنتىماقتاستىقتى كەڭەيتۋ، مەديسينالىق ءتۋريزمدى دامىتۋ، يننوۆاسيالاردى ەنگىزۋ جانە كلينيكانىڭ ينفراقۇرىلىمىن جاڭعىرتۋدى جالعاستىرۋدى تاپسىردى.