بيىل مال ۇرلىعى 13%-عا تومەندەدى.
ءىس-شارانى جۇرگىزۋگە تەك پوليسەيلەر عانا ەمەس، ۆەتەريناريالىق باقىلاۋ مەن جەرگىلىكتى اتقارۋشى ورگانداردىڭ قىزمەتكەرلەرى دە جۇمىلدىرىلدى. “مال ۇرىسى” جەدەل-پروفيلاكتيكالىق ءىس-شاراسى بارىسىندا 196 مال ۇرىسى جانە 34 قىلمىستىق توپ ۇستالدى، دەپ حابارلايدى اlmaty-akshamy.kz رolisia.kz-كە سىلتەمە جاساپ.
"ماسەلەن، اقمولا وبلىسىندا ەكى ادامنان تۇراتىن قىلمىستىق توپ ۇستالدى. ولار قاراشا ايىنان باستاپ قورالار مەن سارايلاردان 20 باس ۇساق مالدى ۇرلاپ اكەتكەن. قاسكويلەر نەگىزى ەلوردادا تۇرعان، بۇرىن قىلمىستىق جاۋاپكەرشىلىككە تارتىلماعان، سول سەبەپتى دە قۇقىق قورعاۋ ورگاندارىنىڭ نازارىنا ىلىكپەگەن. وسىلايشا كۇدىكتىلەر اقمولا وبلىسىنىڭ اۋماعىندا ورنالاسقان دالالى ايماققا ءۇش رەت كەلىپ، مالدى ۇرلاعان سوڭ، ونى سويىپ، ەتىن استانا قالاسىنىڭ بازارلارىندا ساتىپ جىبەرگەن"، – دەپ جازىلعان حابارلامادا.
پوليسەيلەر كۇدىكتى كولىكتى بايقاعاننان كەيىن عانا ۇرىلار تالاپكەر اۋىلىندا ءتورتىنشى ۇرلىقتى جاساۋ بارىسىندا قۇرىقتالدى. ۋاقتىلى قابىلدانعان شارالار ناتيجەسىندە بيىل مال ۇرلىعى 13%-عا تومەندەپ وتىر. سونىمەن قاتار ۇرلانعان جانۋارلاردىڭ جارتىسىنان كوبى زاڭدى يەلەرىنە قايتارىلدى.
قىلمىستىق قولسۇعۋشىلىقتىڭ قۇربانى بولماۋ ءۇشىن قاراپايىم ەرەجەلەردى ۇستانۋ قاجەت:
قويشىنىڭ قاراۋىنسىز مالدى قالدىرماڭىز. ءسىز، ول جانە اكىمشىلىك اراسىندا ءۇش جاقتى شارت جاساڭىز؛
قازىرگى كەزدە كەڭ تارالعان تەحنيكالىق قۇرىلعىلاردى، مالدى باقىلاۋدىڭ زاماناۋي ادىستەرىن قولدانىڭىز؛
مالدى تاڭبالاۋدى نەمەسە چيپتەۋدى ۇمىتپاڭىز، بۇل بولاشاقتا مال ىزدەۋدە جانە يەسىن انىقتاۋدا كومەكتەسەدى.