جاس عالىمدارعا پاتەر بەرەتىن جاڭا باعدارلامانى ىسكە قوستى

«ق ر عىلىم جانە جوعارى ءبىلىم مينيسترلىگى مەن «وتباسى بانك» اق العاش رەت جاس عالىمدارعا قولجەتىمدى كرەديت بەرۋدىڭ بىرلەسكەن باعدارلاماسىن ىسكە قوستى. بۇل پيلوتتىق جوبا مەملەكەت باسشىسىنىڭ 2023 جىلعى ساۋىردە عىلىم جانە تەحنولوگيالار جونىندەگى ۇلتتىق كەڭەستىڭ وتىرىسىندا بەرىلگەن تاپسىرماسىن ورىنداۋ شەڭبەرىندە ىسكە اسىپ جاتىر»، - دەدى ق ر عىلىم جانە جوعارى ءبىلىم ۆيسە-مينيسترى دارحان احمەت-زاكي ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.

«وتباسى بانك» اق باسقارما ءتوراعاسى ءلاززات يبراگيموۆانىڭ ايتۋىنشا، بۇل باعدارلاما اكادەميالىق عىلىممەن اينالىساتىن جاستارعا ارنالعان.

«جاس عالىمداردىڭ كوپشىلىگى سالالىق عىلىمعا كەتىپ قالادى جانە اكادەميالىق ىرگەلى عىلىمدارعا جاس ماماندار جەتىسپەيدى. وسىنىڭ ءبارىن زەرتتەي كەلە، ارنايى باعدارلاما ازىرلەۋدى ۇيعاردىق. عىلىم جانە جوعارى ءبىلىم مينيسترلىگىنە قاراستى 53 ۇيىمنىڭ عالىمدارى ءوتىنىم بەرە الادى. ونىڭ ىشىندە، مەملەكەت تاريحى ينستيتۋتى، ماتەماتيكا جانە ماتەماتيكالىق مودەلدەۋ ينستيتۋتى، ەكونوميكا ينستيتۋتى، ا. بايتۇرسىنوۆ اتىنداعى ءتىل ءبىلىمى ينستيتۋتى، اۋەزوۆ اتىنداعى ادەبيەت جانە ونەر ينستيتۋتى، تاريح جانە ەتنولوگيا ينستيتۋتى ج»نە باسقالارى بار. بۇل تىزىمگە قازاقستاننىڭ جوعارى وقۋ ورىندارى دا ەنگەن»، — دەدى «وتباسى بانك» وكىلى.

ونىڭ ايتۋىنشا، باسپانا نەسيەسى جىلدىق 5% ستاۆكامەن ەڭ كەمى 10% باستاپقى جارنامەن بەرىلەدى. بەرىلەتىن كرەديتتىڭ ەڭ كوپ سوماسى — 20 ملن تەڭگە، قارىز مەرزىمى — 19 جىل.

«بۇل جاس عالىمدارعا العاشقى پاتەرىن ساتىپ الۋعا، قازاقستاندا قالىپ، عىلىمي زەرتتەۋلەرىن جالعاستىرۋعا مۇمكىندىك بەرەدى. اي سايىنعى يپوتەكا تولەمى قولايلى بولۋ ءۇشىن، العاشقى 8 جىلدا تولەم 155 مىڭ تەڭگەدەن بولسا، ودان كيەىن 84 مىڭ تەڭگەگە دەيىن تومەندەيدى. ءقازىردىڭ وزىندە بۇعان سۇرانىس ارتتى. باعدارلاما الداعى 5 جىلدا جۇزەگە اسىرىلادى دەپ جوپارلانعان، „وتباسى بانكتىڭ“ كىرىسىنەن قارجىلاندىرىلادى»، — دەپ ءتۇسىندىردى ل. يبراگيموۆا.

باسپاناعا مۇقتاج جاس عالىمدار عىلىمي جوبالار مەن باعدارلامالارعا، عىلىمي-تەحنيكالىق قىزمەت ناتيجەلەرىن كوممەرسيالاندىرۋ جوبالارىنا قاتىسىپ، ماگيستر دارەجەسىنەن تومەن ەمەس جانە عىلىمي-زەرتتەۋ جۇمىس ءوتىلى كەمىندە 3 جىل بولۋى قاجەت.

«نەسيە 40 جاسقا دەيىنگى جاس عالىمدارعا (40 جاستى قوسا العاندا) بەرىلەدى. بۇل جەردە ەشقانداي كەزەك جوق. ينستيتۋتتىڭ باسشىلىعى ءوز تاراپىنان عىلىممەن اينالىساتىن جاستارعا جولداما بەرىپ، وتباسى بانككە جىبەرەدى. ولار 20 ملن تەڭگەگە دەيىن نەسيە الۋ مۇمكىندىگىنە يە. بانكتە ءوز تولەم قابىلەتىن راستاعان سوڭ، 3 ايدىڭ ىشىندە باستاپقى نەمەسە قايتالاما نارىقتان وزدەرى ءۇي ىزدەيدى. ەڭ باستىسى، ۇمىتكەردىڭ اتىندا سوڭعى 5 جىلدا باسپانا بولماۋى كەرەك»، — دەدى «وتباسى بانك» اق ورتالىق فيليالىنىڭ ديرەكتورى جانسۇلتان ماتاي.