ەلدىڭ باسىم بولىگىندە جاۋىن-شاشىنسىز اۋا رايى ساقتالادى
19 قازان كۇنى رەسپۋبليكانىڭ باسىم بولىگىنە انتيسيكلون جوتاسىنىڭ ىقپالى جالعاسادى. سوعان بايلانىستى جاۋىن-شاشىنسىز اۋا رايى ساقتالادى، دەپ حابارلايدى Almaty-akshamy.kz
ەلدىڭ تەك باتىسىندا سيكلون جىراسىنىڭ اسەرىنەن جاڭبىر كۇتىلەدى. سولتۇستىك، شىعىس جانە باتىس وڭىرلەردە – تۇمان، وڭتۇستىك-شىعىس، باتىس وڭىرلەردە ەكپىندى جەل بولجانادى.
اتاپ ايتقاندا، جامبىل وبلىسىنىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا 15-20 م/س كۇشپەن جەل سوعادى، ەكپىنى 23 م/س ارتادى.
تۇندە باتىس قازاقستان وبلىسىنىڭ سولتۇستىگىندە، شىعىسىندا جەلدىڭ ەكپىنى 15-20 م/س كۇشەيەدى.
اتىراۋ وبلىسىنىڭ باتىسىندا، وڭتۇستىك جانە ورتالىعىندا، قوستاناي، شىعىس قازاقستان وبلىستارىنىڭ سولتۇستىگىندە، تۇندە پاۆلودار وبلىسىنىڭ وڭتۇستىگىندە، ماڭعىستاۋ وبلىسىنىڭ باتىسىندا – تۇمان، كۇندىز قوستاناي وبلىسىنىڭ سولتۇستىگىندە 15-20 م/س جىلدامدىقتا جەل كۇتىلەدى.