الداعى جىلىتۋ ماۋسىمىنا دايىندىق اياسىندا المالى اۋدانىندا جىلۋ جەلىلەرىن جوسپارلى قايتا جاڭعىرتۋ جۇمىستارى جۇرگىزىلۋدە. جۇمىس اياسىندا 1977 جىلى پايدالانۋعا بەرىلگەن جالپى ۇزىندىعى 760 مەتر بولاتىن جىلۋ جەلىلەرى اۋىستىرىلادى.
وسىعان بايلانىستى 2025 جىلدىڭ 24 شىلدەسىنەن 31 تامىزىنا دەيىن المالى اۋدانىندا جامبىل كوشەسى بويىنشا مۇقانوۆ كوشەسىنەن مۇراتبايەۆ كوشەسىنە دەيىنگى ارالىقتا اۆتوكولىك قوزعالىسى جابىلادى.
قۇبىر جەلىلەرىن قايتا جاڭعىرتۋ جۇمىستارى كەزىندە جۇرگىزۋشىلەر مەن جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ ماقساتىندا قوزعالىسقا شەكتەۋ قويىلادى. قايتا جاڭعىرتۋ كەزەڭىندە تۇرعىندارعا ىستىق سۋ بەرۋ توقتاتىلمايدى.
اتالعان جىلۋ جەلىسى 5 كوپقاباتتى تۇرعىن ءۇيدى، 7 جەكە تۇرعىن ءۇيدى جانە تاعى 4 وزگە نىساندى جىلۋ ەنەرگياسىمەن جانە ىستىق سۋمەن قامتاماسىز ەتەدى.
جالپى، بيىل قالا بويىنشا 39 شاقىرىم جىلۋ جەلىسىن جاڭعىرتۋ جوسپارلانعان. بۇل جەلىلەردىڭ توزۋ دەڭگەيىن 54%-عا دەيىن تومەندەتۋگە مۇمكىندىك بەرەدى.
ايتا كەتەيىك، كولىك قوزعالىسىن شەكتەۋ تۋرالى بارلىق اقپارات Almaty.kz سايتىندا، @AlmatyJoly Telegram ارناسىندا، اۋدان اكىمدىكتەرى مەن باسقارمالاردىڭ الەۋمەتتىك جەلىلەرىندە، سونداي-اق «2GIS» پەن «ياندەكس كارتا» سەرۆيستەرىندە جاريالانعان.
«الماتى جىلۋ جۇيەسى» ج ش س