ەلدىڭ وڭتۇستىگىندە نايزاعاي ويناپ، شاڭدى داۋىل تۇرادى.
18 ساۋىردە قازاقستاننىڭ وڭتۇستىك، ورتالىق جانە سولتۇستىك وڭىرلەرىنە وڭتۇستىك سيكلون جىراسى اسەر ەتەدى، وسىعان بايلانىستى جاڭبىر كۇتىلەدى، دەپ حابارلايد Almaty-akshamy.kz قازگيدرومەتكە سىلتەمە جاساپ.
ەلدىڭ وڭتۇستىگىندە، ونىمەن قوسا نايزاعاي ويناپ، شاڭدى داۋىل تۇرادى. بارلىق وڭىردە جەل كۇشەيىپ، باتىستا، سولتۇستىك-باتىستا تۇمان بايقالادى.
اتاپ ايتقاندا، كۇندىز تۇركىستان وبلىسىنىڭ باتىسىندا، وڭتۇستىگىندە، تاۋلى، تاۋ بوكتەرلى اۋداندارىندا نايزاعاي، داۋىل كۇتىلەدى. تاڭەرتەڭ جانە كۇندىز سولتۇستىكتە، باتىستا شاڭدى داۋىل تۇرىپ، سولتۇستىكتە، باتىستا، تاۋلى، تاۋ بوكتەرلى اۋدانداردا جەل 15-20 م/س كۇشەيەدى.
قىزىلوردا وبلىسىنىڭ ورتالىعىندا جەل 15-20 م/س ارتادى. تاڭەرتەڭ جانە كۇندىز ءوڭىردىڭ وڭتۇستىگىندە، شىعىسىندا نايزاعاي بولجانادى.
كۇندىز جامبىل وبلىسىنىڭ تاۋلارىندا نايزاعاي، سولتۇستىك-شىعىستا، تاۋلى اۋدانداردا جەل 15-20 م/س ارتادى.
شىعىس قازاقستان وبلىسىنىڭ وڭتۇستىگىندە، ورتالىعىندا، كۇندىز ماڭعىستاۋ وبلىسىنىڭ سولتۇستىك-باتىسىندا، قاراعاندى وبلىسىنىڭ وڭتۇستىگىندە، اقمولا وبلىسىنىڭ وڭتۇستىك-شىعىسىندا جەلدىڭ كۇشى 15-23 م/س دەيىن جەتەدى.
الماتى وبلىسىنىڭ جالاڭاشكول اۋدانىندا جەل 15-20، ەكپىنى 25 م/س دەيىن كۇشەيەدى.
اتىراۋ، قوستاناي وبلىستارىنىڭ باتىسىندا، تۇندە اقتوبە وبلىسىنىڭ سولتۇستىگىندە، باتىسىندا، ورتالىعىندا تۇمان بولادى.