قاڭتار ايىنداعى ينفلياسيا 20 پايىزدان استى. بۇل تۋرالى ۇكىمەت وتىرىسىندا ۇلتتىق بانك ءتوراعاسىنىڭ ورىنباسارى بەرىك شولپانقۇلوۆ ايتتى، دەپ حابارلايدى Almaty-akshamy.kz. Azattyq Ruhy.-نا سىلتەمە جاساپ.
«قازاقستاندا ينفلياسيانىڭ ايلىق ديناميكاسى 2022 جىلعى ناۋرىز ايىنداعى ەڭ جوعارى مانگە (3،7%) جەتكەن سوڭ، تومەندەپ كەلەدى. بيىلعى قاڭتاردا ايلىق ينفلياسيا بىرتىندەپ 1،1%-عا دەيىن تومەندەدى. بۇعان قاراماستان، ول ورتاشا جىلدىق ماننەن ەداۋىر اساتىن دەڭگەيدە قالىپ وتىر. جىلدىق ماندە ينفلياسيا بيىلعى قاڭتاردا 20،7%-عا جەتتى. جىلدىق ماندە 25،7%-عا جەتكەن ازىق-تۇلىك باعاسىنىڭ ءوسۋى ينفلياسيانىڭ وسۋىنە كوپتەپ ۇلەس قوسىپ وتىر»، - دەدى شولپانقۇلوۆ.
ونىڭ ايتۋىنشا، ازىق-تۇلىككە جاتپايتىن ينفلياسيا دا يمپورت تاۋارلارىنىڭ قىمباتتاۋى مەن ولارعا سۇرانىستىڭ ساقتالۋىنا بايلانىستى 20،2%-عا دەيىن جەدەلدەدى. اقىلى قىزمەتتەردىڭ ينفلياسياسى 14،2%-عا جەتتى.
«لوگيستيكانىڭ وزگەرۋىنە، جوعارى ينفلياسيالىق كۇتۋلەرگە، سۇرانىستى فيسكالدىق قولداۋعا جانە كرەديت بەرۋدىڭ ۇلعايۋىنا بايلانىستى ينفلياسيا ءوسۋىن جالعاستىرىپ كەلەدى. ساقتالىپ وتىرعان تاۋەكەلدەر بازالىق مولشەرلەمەنى اعىمداعى دەڭگەيدە ۇستاپ تۇرۋدى تالاپ ەتەدى»، - دەدى ول.