ارنايى جوبا قابىلداۋ كەرەك.
ءماجىلىس دەپۋتاتى ايجان سقاقوۆا قازاقستان بالالارىنا جاردەماقى تولەۋدىڭ جاڭا جوباسىن قابىلداۋدى ۇسىندى، دەپ حابارلايدى Almaty-akshamy.kz Inbusiness.kz سىلتەمە جاساپ.
"18 جاسقا تولماعان بارلىق بالاعا شارتسىز اي سايىنعى ءبىرىڭعاي جاردەماقىنى ەنگىزۋمەن قاتار، بۇل شارانى ەكى تەتىككە نەگىزدەۋ ماڭىزدى. ءبىرىنشىسى، ساپالى بىلىمگە قولجەتىمدىلىك، ونىڭ ىشىندە مەكتەپ جانە مەكتەپكە دەيىنگى ءبىلىم بار. ەكىنشىسى، دەنساۋلىق ساقتاۋ جۇيەسىنە قولجەتىمدىلىك. بۇل باعىتتا "انا مەن بالانى دامىتۋعا ينۆەستيسيا" ۇلتتىق جوباسىن قابىلداۋ قيسىندى بولار ەدى"،- دەپ اتاپ ءوتتى دەپۋتات.
ايجان سقاقوۆانىڭ ايتۋىنشا، جوبانىڭ ءبىرىنشى كەزەڭى بالالار كەدەيلىگىمەن كۇرەس بويىنشا ۇلتتىق باعدارلاما ازىرلەۋدەن باستالادى.