وقۋشىلار «بەس تابان» جانە «بەس اسىق» ويىندارىن وينايدى، دەپ حابارلايدى Almaty-akshamy.kz.
وقۋ-اعارتۋ مينيسترلىگىنىڭ تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ مالىمەتىنشە، چەللەندجدىڭ ماقساتى – ءبىلىم الۋشىلاردى رۋحاني-ادامگەرشىلىك، ەستەتيكالىق، پاتريوتتىق باعىتتا تاربيەلەۋ، مادەني قۇندىلىقتاردى ساقتاۋ جانە ۇلتتىق ويىنداردى دارىپتەۋ.
«ۇلتتىق ويىندار – ادامعا قانات ءبىتىرىپ، شابىتتاندىراتىن عاجايىپ سايىستار، ول دەنساۋلىقتىڭ عانا ەمەس، ءومىر ۇيلەسىمدىلىگىنىڭ كەپىلى. ماسەلەن، اسىق ويناۋ بالانىڭ جۇيكە-بۇلشىقەت جۇيەسىن شىنىقتىرادى، دۇنيەتانىمىن كەڭەيتەدى، ونىڭ شاپشاڭ قيمىلداۋىنا اسەر ەتەدى، سونداي-اق كورۋ قابىلەتىن جاقسارتادى.
بۇل كەڭ كولەمدى رەسپۋبليكالىق اكسيا ەلىمىزدىڭ بارلىق ءبىلىم بەرۋ ۇيىمدارىن بىرىكتىرۋگە، ءوز ەلى ءۇشىن، حالىق قۇندىلىعى ءۇشىن ماقتانىش سەزىمىن قالىپتاستىرۋعا، قازاق حالقىنىڭ مادەنيەتى مەن تاريحىنا قىزىعۋشىلىقتى ارتتىرۋعا باعىتتالعان»، - دەيدى دەپارتامەنت ديرەكتورى مەرۋەرت مەدەتبەكوۆا.
چەللەندجگە ەلىمىزدىڭ ميلليوننان استام وقۋشىسى قاتىسادى دەپ كۇتىلەدى.