الماتىداعى «باۋم توعايىندا» 50 مىڭنان اسا اعاش پەن بۇتا بار
مامانداردىڭ ايتۋىنشا، ورماندى جاسىل جەلەكتىڭ 10% -نا زاقىم كەلسە، 25%-ى قۋراپ بارا جاتىر. 2021 جىلدان بەرى ەكوجۇيەنى قالپىنا كەلتىرۋ جانە تۇراقتى دامۋىن قامتاماسىز ەتۋ ماقساتىندا 4 ينستيتۋت زەرتتەۋ جۇرگىزگەن. ناتيجەسىندە عالىمدار 3 مىڭعا جۋىق اعاشتى كەسۋ تۋرالى شەشىم قابىلداعان. ولاردىڭ ورنىنا كوشەت وتىرعىزىلادى. 1877 جىلى قۇرىلعان توعايدىڭ جالپى اۋماعى - 140 گەكتار. ورماندا 49 ءتۇرلى اعاش وسەدى. ونىڭ 7ء-ى قىلقان جاپىراقتى جانە 42ء-سى جۇمساق جاپىراقتى، دەپ حابارلايدى اlmaty-akshamy.kz qazaqstan.tv-گە سىلتەمە جاساپ.
"نەگىزى ىرىكتەپ سانيتارلىق كەسۋ دەگەن بار. ولار ءارتۇرلى اۋرۋعا ۇشىراعان اعاشتار. كەۋىپ كەتكەن قۇرعاق اعاشتار. ۇشار باستارى سىنعان اعاشتار بار ونىڭ ىشىندە. جارتىلاي سىنعان. سولاردىڭ بارلىعى تازارتىلىپ الىنىپ جاتىر ورنىنا. جالپى پارك اۋماعىنا 1100 الما اعاشى ەگىلدى. سيۆەرس الماسى ەگىلدى. ياسەننىڭ 70 ءتۇرىن ەكتىك. كەلەسى جىلى جوپسار بويىنشا 1000-1500 اعاش ەكسەك دەپ ويلاپ وتىرمىز سول تازارتىلعان جەرلەرگە"، دەيدى «مەدەۋ» مەملەكەتتىك وڭىرلىك تابيعات پاركى ديرەكتورىنىڭ ورىنباسارى ۇزاق جامبىل ۇلى.