وسى جىلدىڭ قاڭتار ايىنان باستاپ اتا-انالاردى پەداگوگيكالىق قولداۋ ورتالىقتارىندا 64 مىڭنان استام ساباق وتكىزىلدى.
بۇل تۋرالى «وركەن» بالالاردىڭ ءال-اۋقاتىن ارتتىرۋ ۇلتتىق عىلىمي-پراكتيكالىق ينستيتۋتى مالىمدەدى، دەپ حابارلايدى Almaty-akshamy.kz.
«وسى جىلدىڭ قاڭتار ايىنان باستاپ 1،7 ملن-نان استام اتا-انانىڭ قاتىسۋىمەن 64 مىڭ ءىس-شارا وتكىزىلدى. «اتا-انالاردى پەداگوگيكالىق قولداۋ ورتالىعى» جوباسى اتا-انالارعا ادىستەمەلىك كومەك كورسەتۋ جانە ولاردىڭ ءپوزيتيۆتى اتا-انا مادەنيەتىن قالىپتاستىرۋ ءۇشىن وقۋ ورىندارىمەن كۇش بىرىكتىرۋى كوزدەلگەن. ورتالىقتاردا كورسەتىلەتىن تۇراقتى پسيحولوگيالىق قولداۋ اتا-انالارعا تاربيەنىڭ ءتيىمدى ستراتەگيالارىن دامىتۋعا، بالالارمەن قارىم-قاتىناستى جاقسارتۋعا جانە ءارتۇرلى وتباسىلىق ماسەلەلەردى شەشۋگە كومەكتەسەدى»، - دەپ اتاپ ءوتتى تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ ديرەكتورى مەرۋەرت مەدەتبەكوۆا.
ايتا كەتەيىك، 2023 جىلدىڭ قىركۇيەك ايىنان باستاپ ق ر وقۋ-اعارتۋ مينيسترلىگىنىڭ باستاماسىمەن ەلىمىزدىڭ بارلىق ءبىلىم بەرۋ ۇيىمىندا اتا-انالاردى پەداگوگيكالىق قولداۋ ورتالىقتارى جۇمىس ىستەۋدە.