وتكەن جەكسەنبى كۇنى، ياعني 13 تامىزدا ەلىمىزدىڭ 7 وبلىسىندا 17 اۋىلدىڭ اكىمى سايلاندى.
سوڭعى ەكى جىلدا پرەزيدەنتتىڭ ساياسي رەفورمالار باعدارلاماسى اياسىندا اۋىل اكىمدەرىن حالىقتىڭ ءوزى تىكەلەي سايلايتىن بولدى. وسى ۋاقىتقا دەيىن 1 668 اۋىل، اۋىلدىق وكرۋگ، اۋداندىق ماڭىزى بار قالا اكىمدەرى سايلاندى، دەپ حابارلايدى Almaty-akshamy.kz.
ۇمىتكەرلەردىڭ 75 پايىزىن ساياسي پارتيالار ۇسىنسا، قالعان 25 پايىزى ءوزىن-وزى ۇسىنۋشىلار.
سونداي-اق سايلانعان اكىمدەردىڭ جارتىسىنان استامى (57،4%) بۇرىن مۇنداي قىزمەت اتقارماعان. بۇل اۋىل اكىمدەرىنىڭ كورپۋسى ايتارلىقتاي جاڭاردى دەگەن ءسوز.
بۇدان بولەك جەرگىلىكتى اكىمدەردىڭ قۇرامى دا ءبىرشاما «جاساردى».
بۇگىندە سايلانعان اكىمدەردىڭ ورتاشا جاسى 45 جاستى قۇرايدى.
الداعى جەكسەنبىدە، 20 تامىز كۇنى 3 وبلىستاعى 21 اۋىل اكىمىنىڭ سايلاۋى وتەدى. 2023 جىلدىڭ سوڭىنا دەيىن بارلىعى 199 ەلدى مەكەندە جاڭادان اكىمدەر سايلانادى.
سولايشا، اۋىل اكىمدەرىن سايلاۋ ەلىمىزدىڭ ساياسي ومىرىندە قالىپتى قۇبىلىسقا اينالدى.