«جانۋارلارعا جاۋاپكەرشىلىكپەن قاراۋ تۋرالى» زاڭ جوباسى ماقۇلداندى
قازاقستاندا جانۋارلارعا قاتىگەزدىكپەن قاراۋدى ناسيحاتتاۋعا بۇدان بىلاي زاڭنامالىق دەڭگەيدە تىيىم سالىنادى، دەپ حابارلايدى Almaty-akshamy.kz
ءماجىلىس دەپۋتاتتارى «جانۋارلارعا جاۋاپكەرشىلىكپەن قاراۋ تۋرالى» زاڭ جوباسىن ەكىنشى وقىلىمدا ماقۇلدادى. ەندى تومەنگى پالاتا دەپۋتاتى الەكساندر ءميليۋتيننىڭ ايتۋىنشا، ءقازىر 16 جاسقا تولماعان بالالارعا ەرەكشە جاۋاپكەرشىلىكتى تالاپ ەتەتىن ءۇي جانۋارلارىن سەرۋەندەتۋگە تىيىم سالىنادى. سونىمەن قاتار ءۇي جانۋارلارى يەلەرىنە دە قاتاڭ تالاپ قويىلدى. بۇل ءتيىستى سانيتارلىق نورمالاردىڭ ساقتالۋىنا دا اسەر ەتەدى.
سونداي-اق جەرگىلىكتى اتقارۋشى ورگاندار جانۋارلاردى كۇتىپ-باپتاۋ ەرەجەلەرىن ازىرلەي الادى، ال قاڭعىباس جانۋارلاردى ۆاكسينالاۋ جانە ستەريلدەۋ قاعيدالارىن ازىرلەۋ ءتيىستى زاڭعا سايكەس بيۋدجەت قاراجاتى ەسەبىنەن جۇزەگە اسىرىلادى. سونىمەن قاتار الەكساندر ميليۋتين جاڭا ەرەجەلەردى قاراستىرۋ كەزىندە جانۋارلار قۇقىعىن قورعاۋشىلاردىڭ ۇسىنىستارى دا ەسكەرىلگەنىن ايتتى. وسىلايشا، ەلدە جاقىن ارادا جىلجىمالى جانۋارلار كورمەلەرىنىڭ، دەلفينارييلەردىڭ، وكەاناريۋمداردىڭ جانە كونتاكتىلى زووپاركتەردىڭ قىزمەتىنە تىيىم سالىنادى.
«بۇل ەرەجەدە اتالعان ۇيىمداردىڭ يەلەرىنە ولاردىڭ بيزنەسىن جۇرگىزۋ نەمەسە قايتا ۇيىمداستىرۋ راسىمدەرىن جۇرگىزۋگە ۋاقىت بەرۋ ءۇشىن كەشىكتىرىلگەن مەرزىم بولادى. سونداي-اق دەپۋتاتتار ۇلتتىق سپورت تۇرلەرىنە قاتىسۋ ءۇشىن جانۋارلاردى پايدالانۋ قازاقستان رەسپۋبليكاسىنىڭ دەنە شىنىقتىرۋ جانە سپورت تۋرالى زاڭىنا سايكەس جۇزەگە اسىرىلاتىنى تۋرالى ناقتىلاۋ نورمالارىن ەنگىزدى»، - دەيدى ق ر پارلامەنتى ءماجىلىسىنىڭ دەپۋتاتى الەكساندر ميليۋتين.