قالادا قار تازالاۋ جۇمىستارى قىزۋ جۇرگىزىلۋدە

الماتى قالاسىندا 2021 جىلعى 18 قاراشادا قار تازالاۋ بويىنشا اقپارات

الماتى قالاسىنىڭ تۇرعىن ءۇي  ساياساتى باسقارماسىنىڭ مالىمەتتەرىنە سايكەس، 17 قاراشا كۇنى ساعات 14.40-تا الماتى قالاسىندا قاردىڭ جاۋعانى باستالىپ، 18 قاراشا كۇنى ساعات 03.00-دە اياقتالدى.

تاۋلى اۋداندارعا 22 سم-گە دەيىن، تاۋ بوكتەرىنە 12-17 سم، قالاعا 7-9 سم قار ءتۇستى، دەپ حابارلايدى Almaty-ashamy.kz

قار جاۋا سالىسىمەن 191 قۇمشاشقىشتىڭ كۇشىمەن جولدارعا كوكتايعاققا قارسى ماتەريالدار سەبىلۋدە.

2 400 توننا كوكتايعاققا قارسى ماتەريالدار پايدالانىلدى.

قاردى سىپىرۋ، تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، «قالتالاردى»، كوپشىلىك پايدالاناتىن ورىنداردى تازالاۋ بويىنشا جۇمىستار جۇرگىزىلۋدە.

قالانىڭ جوعارعى بولىگىندە پوليسيانىڭ پاترۋلدىك ماشينالارىنىڭ ەرىپ جۇرۋىمەن قار كۇرەۋ كولوننالارى ۇيىمداستىرىلعان. ساعات 21.00-دەن باستاپ قار شىعارىلۋدا. 297 تەكشە مەتر قار شىعارىلدى.

تۇنگى ۋاقىتتا 491 ارنايى تەحنيكا  بىرلىگى، ونىڭ ىشىندە 183 قۇمشاشقىش جانە 423 جول جۇمىسشىسى جۇمىلدىرىلدى. 

18 قاراشا كۇنى تاڭەرتەڭ 554 ارنايى تەحنيكا مەن 1500-گە جۋىق جول جۇمىسشىسىن شىعارۋ جوسپارلانعان.

اۋداندىق اكىمدىكتەر مەن مەردىگەرلىك كاسىپورىنداردا قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.

قازگيدرومەتتىڭ بولجامى بويىنشا ەرتەڭ 19 قاراشادا ازداعان جاۋىن-شاشىن ساقتالادى. اۋا تەمپەراتۋراسى كۇندىز 18 قاراشا – 0، مينۋس 2.