تۇرعىن ءۇي ساياساتى باسقارماسى وتكىزگەن اشىق ەسىك كۇنى اياسىندا قالا تۇرعىندارىنا ميب جانە قس-عا كوشۋ الگوريتمدەرى جانە تۇرعىن ۇي-كوممۋنالدىق قاتىناستار سالاسىنداعى باسقا دا ماسەلەلەر بويىنشا كەڭەستەر بەرىلدى، دەپ حابارلايدى اlmaty-akshamy.kz.
ۆەدومستۆونىڭ مالىمەتىنشە، شاراعا 150-گە جۋىق قالا تۇرعىنى قاتىسقان.
ەسكە سالايىق، ق ر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا سايكەس، پاتەرلەردىڭ، تۇرعىن ەمەس ءۇي-جايلاردىڭ مەنشىك يەلەرى تۇرعىن ۇيگە كىرگەن زاڭنىڭ كۇشىنە ەنگەن كۇنىنەن باستاپ ءبىر جىل ىشىندە كوپ پاتەرلى تۇرعىن ءۇي كەڭەسىن سايلاۋ جانە كوندومينيۋمدى باسقارۋدىڭ جاڭا نىسانىن تاڭداۋ تۋرالى شەشىم قابىلداۋ ءۇشىن پاتەرلەردىڭ، كوپ پاتەرلى تۇرعىن ۇيلەردىڭ تۇرعىن ەمەس ءۇي-جايلارىنىڭ مەنشىك يەلەرىنىڭ جينالىسىن وتكىزۋگە مىندەتتى.
قولدانىستاعى باسقارۋ ورگاندارىنا كەلەتىن بولساق، ولار 2022 جىلدىڭ 1 شىلدەسىنە دەيىن ۇيگە ارنالعان بارلىق قولدا بار قۇجاتتامانى ميب ءتوراعاسىنا / قس ۋاكىلەتتى وكىلىنە بەرۋگە مىندەتتى.
«مەنشىك يەلەرى ءۇشىن ميب نەمەسە قس تاڭداۋ، ەڭ الدىمەن، ءوز ءۇيىن باسقارۋ جانە شىعىنداردى وڭتايلاندىرۋ مۇمكىندىگى بولىپ تابىلادى. سونىمەن قاتار، مەنشىك يەلەرى باسقارۋ ورگانىنىڭ قارجىلىق-شارۋاشىلىق قىزمەتىنىڭ اشىقتىعىنىڭ جوقتىعىنا ءجيى شاعىمدانادى. «ءبىر ءۇي – ءبىر شوت – ءبىر مەنشىك يەلەرىنىڭ بىرلەستىگى» – بۇل مەنشىك يەلەرىنە اقشا قاراجاتىنىڭ قوزعالىسىن جانە ولاردىڭ ماقساتتى پايدالانىلۋىن باقىلاۋعا مۇمكىندىك بەرەتىن قاعيدا»، - دەپ ءتۇسىندىرىلدى باسقارمادا.
