ەلىمىزدىڭ جەتى وبلىسىندا قاتتى ىستىق ءالى دە ساقتالادى، دەپ حابارلايدى aqshamnews.kz.
سينوپتيكتەر فرونتالدى بولىكتەردىڭ جىلجۋىنا بايلانىستى قازاقستاننىڭ باسىم بولىگىندە نايزاعاي ويناپ، بۇرشاق تۇسەدى جانە داۋىل تۇرادى، ەلىمىزدىڭ سولتۇستىك-باتىسىندا، سولتۇستىگىندە قاتتى جاڭبىر جاۋادى دەپ بولجايدى.
كۇندىز الماتى، جامبىل، شىعىس قازاقستان، اباي، جەتىسۋ، قاراعاندى وبلىستارىندا، سونداي-اق تۇركىستان وبلىسىنىڭ شولەيتتى اۋداندارىندا قاتتى ىستىق بولادى.
اتىراۋ، اباي وبلىستارىندا، ۇلىتاۋ جانە جەتىسۋ وڭىرلەرىنىڭ شىعىسىندا، قاراعاندى وبلىسىنىڭ شىعىسىندا، باتىس قازاقستان وبلىسىنىڭ وڭتۇستىك، شىعىس، ورتالىق بولىكتەرىندە، شىعىس قازاقستان وبلىسىنىڭ سولتۇستىك-باتىسىندا، ورتالىعىندا، ماڭعىستاۋ ءوڭىرىنىڭ باتىسىندا، الماتى وبلىسىنىڭ وڭتۇستىك جارتىسىندا ءورت ءقاۋپى جوعارى بولادى.
ماڭعىستاۋ، قىزىلوردا، تۇركىستان، الماتى، جامبىل، ۇلىتاۋ، جەتىسۋ وبلىستارىندا، اقتوبە ءوڭىرىنىڭ وڭتۇستىگىندە، اتىراۋ وبلىسىنىڭ وڭتۇستىك-باتىسىندا، قوستاناي وبلىسىنىڭ وڭتۇستىگىندە، شىعىس قازاقستان، قاراعاندى وبلىستارىندا، اباي وبلىسىنىڭ وڭتۇستىگىندە، باتىسىندا، سولتۇستىك-باتىسىندا توتەنشە ءورت ءقاۋپى ساقتالادى.