«Air Astana» اق جانە «FlyArystan» اق اۋەكومپانيالارىنا جولاۋشىلاردىڭ قۇقىقتارىن ساقتاۋعا قاتىستى ارنايى تەكسەرۋ جۇرگىزىلەدى، دەپ حابارلايدى aqshamnews.kz El.kz اقپارات اگەنتتىگىنە سىلتەمە جاساپ.
«Air Astana» اق مەن «FlyArystan» اق-نىڭ تەحنيكالىق سەبەپتەر بويىنشا رەيستەردى كەشىكتىرۋ جاعدايلارىنىڭ كوبەيۋىنە، سونداي-اق جولاۋشىلاردىڭ قۇقىقتارىن ساقتاۋعا قاتىستى كوپتەگەن شاعىمدارعا بايلانىستى كولىك مينيسترلىگىنىڭ ازاماتتىق اۆياسيا كوميتەتى ۇشۋلاردىڭ توقتاتىلۋى، كەشىگۋى جانە ءتيىستى قىزمەتتەردى كورسەتپەۋ سەبەپتەرىن، سونداي-اق قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياسيا تۋرالى زاڭناماسىنىڭ تالاپتارىن بۇزۋعا بايلانىستى باسقا دا جاعدايلاردى انىقتاۋ ءۇشىن كوميسسيا قۇردى، - دەلىنگەن ازاماتتىق اۆياسيا كوميتەتىنىڭ مالىمەتىندە.
سونىمەن قاتار، «قازاقستاننىڭ اۆياسيالىق اكىمشىلىگى» اق باس ديرەكتورىنىڭ بۇيرىعىمەن «Air Astana» اق مەن «FlyArystan» اق-نا جوسپاردان تىس تەكسەرۋ جۇرگىزىلەدى.
كوميسسيا جۇمىسىنىڭ جانە جوسپاردان تىس تەكسەرۋدىڭ ناتيجەلەرى قوسىمشا حابارلانادى.
ەستەرىڭىزگە سالا كەتەيىك، كەشە تەلەجۇرگىزۋشى ءلايلا سۇلتان قىزى «FlyArystan» اۋە كومپانياسىنا ارىزدانعانىن حابارلاعان بولاتىنبىز.
ەستەرىڭىزگە سالا كەتەيىك، وعان دەيىن «FlyArystan» اۋە كومپانياسىنىڭ 12 جاستاعى بالانى بورتقا كىرگىزبەي، دالادا قالدىرعانى جايلى جازعان بولاتىنبىز.