قازاقستاندىق وقۋشىلاردىڭ اتا-انالارى چاتتار مەن الەۋمەتتىك جەلىلەردە تاراعان حابارلاماعا الاڭداۋدا. 15 قىركۇيەكتەن باستاپ ەلىمىزدە ماسكا تاعۋ رەجيمى ەنگىزىلىپ، وقۋشىلار قاشىقتىقتان وقۋعا جىبەرىلەدى ەكەن. بۇل جالعان.
ق ر سانيتارلىق-ەپيدەميولوگيالىق باقىلاۋ كوميتەتى بۇل اقپاراتقا قاتىستى پىكىر ءبىلدىردى، دەپ حابارلايدى aqshamnews.kz Stopfake.kz-كە سىلتەمە جاساپ.
«مەسسەندجەرلەردە 15 قىركۇيەكتەن باستاپ بالالاردى قاشىقتان وقىتۋعا جىبەرەدى جانە مەكەمەلەردە ماسكامەن ءجۇرۋ رەجيمى ەنگىزىلەدى دەگەن اقپارات شىندىققا جاناسپايدى.
جىل سايىن ەپيدەميالىق ماۋسىم كەزەڭىندە پروفيلاكتيكالىق جانە ەپيدەمياعا قارسى ءىس-شارالاردى وتكىزۋدى كوزدەيتىن ق ر باس مەملەكەتتىك سانيتاريالىق دارىگەرىنىڭ قاۋلىسى بەكىتىلەدى. قاۋلىعا سايكەس، اعىمداعى جىلدىڭ 15 قىركۇيەگىنەن باستاپ تۇماۋعا قارسى ۆاكسيناسيا جۇرگىزۋ باستالادى. ماسكا تاعۋ رەجيمى تەك مەديسينالىق ۇيىمداردىڭ قىزمەتكەرلەرى ءۇشىن عانا ەنگىزىلەدى.
قاۋلىمەن تولىعىراق ق ر دسم سانيتاريالىق-ەپيدەميولوگيالىق باقىلاۋ كوميتەتىنىڭ سايتىندا مىنا سىلتەمە بويىنشا تانىسۋعا بولادى.
بارلىق ازاماتتاردى رەسمي اقپارات كوزدەرىندەگى سەنىمدى اقپاراتقا سەنۋگە شاقىرامىز»، – دەلىنگەن ق ر سانيتارلىق-ەپيدەميولوگيالىق باقىلاۋ كوميتەتى باسپا ءسوز قىزمەتىنىڭ حابارلاماسىندا.