جىل باسىنان بەرى ەلىمىزدىڭ كولىك پوليسەيلەرى ءتۇرلى اكىمشىلىك قۇقىق بۇزۋشىلىقتار جاساعانى ءۇشىن اۋە كەمەسىنەن 356 ادامدى ءتۇسىردى.
ونىڭ ىشىندە الكوگولدىك ىشىمدىكتەر ىشكەنى جانە قوعامدىق ورىندارعا ماساڭ كۇيىندە كەلگەنى ءۇشىن – 175، ۇساق بۇزاقىلىق جاساعانى ءۇشىن – 19، اۋە كەمەسىندەگى مىنەز-قۇلىق قاعيدالارىن بۇزعانى ءۇشىن – 19 تۇلعا بار جانە تاعى باسقا، دەپ حابارلايدى aqshamnews.kz Elorda.info-عا سىلتەمە جاساپ.
ماسەلەن، استانا اۋەجايىنداعى جەلىلىك پوليسيا ءبولىمىنىڭ قىزمەتكەرلەرى اكت بويىنشا استانا–ۆارشاۆا باعىتىنداعى اۋە رەيسىنەن قۇقىق بۇزۋشىنى ءتۇسىرىپ الدى.
تەكسەرۋ بارىسىندا پوليسەيلەر 49 جاستاعى گەرمانيا ازاماتىن انىقتادى. ول ماساڭ كۇيىندە بولىپ، ەكيپاجدىڭ تالاپتارىن ورىنداماعان.
شەتەلدىك ازامات الكوگولدىك ىشىمدىكتەردى ىشكەنى نەمەسە قوعامدىق ورىندارعا ماساڭ كۇيىندە كەلگەنى، اۋە كەمەسىندەگى مىنەز-قۇلىق قاعيدالارىن بۇزعانى ءۇشىن اكىمشىلىك جاۋاپكەرشىلىككە تارتىلىپ، وعان 8 اەك مولشەرىندە ايىپپۇل سالىندى.