قازگيدرومەت اۋا رايىنا بايلانىستى 27 قازاندا بىرنەشە وڭىردە ەسكەرتۋ جاريالادى، دەپ حابارلايدى Almaty-akshamy.kz.
قاراعاندى وبلىسىنىڭ سولتۇستىك جارتىسىندا كوكتايعاق، جاياۋ بۇرقاسىن كۇتىلەدى. باتىستان جەل سوعادى، وبلىستىڭ سولتۇستىگىندە، شىعىسىندا جانە ورتالىعىندا ەكپىنى 15-20 م/س.
قىزىلوردا وبلىسىنىڭ سولتۇستىگىندە، ورتالىعىندا تۇمان تۇسەدى.
اقتوبە وبلىسىنىڭ سولتۇستىگىندە، باتىسىندا، ورتالىعىندا تۇندە جانە تاڭەرتەڭ تۇمان بولادى.
ماڭعىستاۋ وبلىسىندا شىعىستان جەل سوعادى، وبلىستىڭ باتىسىندا 15-20 م/س كۇتىلەدى.
استانا قالاسىندا 27 قازاندا كەي ۋاقىتتاردا جاۋىن-شاشىن (جاڭبىردىڭ سوڭى قارعا ۇلاسادى)، تۇمان، كوكتايعاق بولجانادى. وڭتۇستىك-باتىستان سوعاتىن جەل سولتۇستىككە اۋىسادى، ەكپىنى 15-20 م/س.
تۇركىستان وبلىسىنىڭ تاۋلى جانە تاۋ بوكتەرلى اۋداندارىندا تۇمان كۇتىلەدى. باتىستان، سولتۇستىك-باتىستان جەل سوعادى، تۇندە جانە تاڭەرتەڭ وبلىستىڭ باتىسىندا، سولتۇستىگىندە، تاۋلى جانە تاۋ بوكتەرلى اۋداندارىندا كۇشى 15-20، تاۋ اسۋلارىندا ەكپىنى 25 م/س.
شىمكەنت قالاسىندا باتىستان، سولتۇستىك-باتىستان جەل سوعادى، تۇندە ەكپىنى 15-20 م/س جەتەدى.
اقمولا وبلىسىنىڭ باسىم بولىگىندە، كۇندىز شىعىس جارتىسىندا جاۋىن-شاشىن (جاڭبىردىڭ سوڭى قارعا ۇلاسادى) كۇتىلەدى. وبلىستىڭ سولتۇستىگىندە، باتىسىندا، شىعىسىندا تۇمان، كوكتايعاق، جاياۋ بۇرقاسىن بولجانادى.
اباي وبلىسىنىڭ سولتۇستىگىندە، وڭتۇستىك-باتىسىندا، ورتالىعىندا وڭتۇستىكتەن، وڭتۇستىك-باتىستان سوعاتىن جەلدىڭ كۇشى 15-20، ەكپىنى 25 م/س جەتەدى.
باتىس قازاقستان وبلىسىنىڭ سولتۇستىك-شىعىسىندا تۇمان كۇتىلەدى. جەل سولتۇستىك-شىعىستان وڭتۇستىك-شىعىسقا اۋىسىپ سوعادى، كۇندىز وبلىستىڭ باتىسىندا، وڭتۇستىگىندە ەكپىنى 15-20 م/س.
شىعىس قازاقستان وبلىسىنىڭ سولتۇستىگىندە، شىعىسىندا كوكتايعاق، جاياۋ بۇرقاسىن كۇتىلەدى. جەل وڭتۇستىكتەن، وڭتۇستىك-باتىستان سوعادى، وبلىستىڭ سولتۇستىگىندە، شىعىسىندا 15-20، ەكپىنى 25 م/س جەتەدى.
قوستاناي وبلىسىنىڭ شىعىسىندا، وڭتۇستىگىندە كوكتايعاق، جاياۋ بۇرقاسىن كۇتىلەدى. تۇندە جانە تاڭەرتەڭ وبلىستىڭ سولتۇستىگىندە تۇمان.
سولتۇستىكتەن، سولتۇستىك-باتىستان جەل سوعادى، وبلىستىڭ شىعىسىندا، وڭتۇستىگىندە كۇشى 15-20، تۇندە ەكپىنى 23 م/س كۇتىلەدى.
27 قازاندا جەتىسۋ وبلىسىنىڭ سولتۇستىگىندە، شىعىسىندا وڭتۇستىك-باتىستان جەل سوعادى، ەكپىنى 15-20 م/س جەتۋى ىقتيمال.
پاۆلودار وبلىسىنىڭ سولتۇستىگىندە، باتىسىندا كوكتايعاق، كۇندىز جاياۋ بۇرقاسىن كۇتىلەدى. وڭتۇستىك-باتىستان، باتىستان جەل سوعادى، تۇندە وبلىستىڭ باتىسىندا، وڭتۇستىگىندە، كۇندىز وبلىستىڭ باسىم بولىگىندە 15-20 م/س، وبلىستىڭ وڭتۇستىگىندە كەي ۋاقىتتاردا ەكپىنى 23 م/س كۇتىلەدى.
سولتۇستىك قازاقستان وبلىسىنىڭ باسىم بولىگىندە جاۋىن-شاشىن (جاڭبىر، قار) كۇتىلەدى. تاۋلىك بويى 27 قازاندا وبلىستىڭ سولتۇستىگىندە، باتىسىندا، شىعىسىندا كوكتايعاق، جاياۋ بۇرقاسىن بولجانادى. سولتۇستىكتەن، سولتۇستىك-باتىستان جەل سوعادى، كۇشى 15-20 م/س، ەكپىنى 23-28 م/س.