SCAT اۋەكومپانياسىنىڭ "اتىراۋ-تاراز" باعىتىنداعى رەيسى ۇشىپ كەلگەننەن كەيىن تاراز قالاسى اۋەجايىنداعى جەلىلىك پوليسيا بولىمشەسىنىڭ قىزمەتكەرلەرى اكت بويىنشا قۇقىق بۇزۋشىنى ءتۇسىرىپ الدى، - دەپ حابارلايدى اlmaty-akshamy.kz كولىكتەگى پوليسيا دەپارتامەنتى باسپا ءسوز قىزمەتىنە سىلتەمە جاساپ.
تەكسەرۋ بارىسىندا كولىك پوليسەيلەرى اتىراۋ قالاسىنىڭ 15 جاستاعى تۇرعىنىن انىقتادى. ول ۇشۋ كەزىندە ۇشاق سالونىندا ەلەكتروندى تەمەكى شەككەن.
"پوليسيا قىزمەتكەرلەرى كامەلەتكە تولماعان جولاۋشىمەن پروفيلاكتيكالىق اڭگىمە جۇرگىزدى. ساقشىلار وعان تەمەكى شەگۋدىڭ، الكوگولدى ىشىمدىك ءىشۋدىڭ جانە باسقا دا ءقاۋىپتى پسيحوتروپتىق زاتتاردىڭ دەنساۋلىققا زياندىلىعى تۋرالى ايتتى. سونداي-اق ۇشاق بورتىندا قاۋىپسىزدىك ەرەجەلەرىن ساقتاۋ كەرەكتىگىن ءتۇسىندىردى. بۇدان بولەك، قىزدىڭ زاڭدى وكىلىنە قاتىستى ق ر اقبتك 127-بابىنىڭ 1-بولىگىمەن، ياعني كامەلەتكە تولماعاندى تاربيەلەۋ جانە (نەمەسە) وعان ءبىلىم بەرۋ، ونىڭ قۇقىقتارى مەن مۇددەلەرىن قورعاۋ جونىندەگى مىندەتتەردى ورىنداماۋ بويىنشا اكىمشىلىك حاتتاما تولتىرىلىپ، 10 اەك (36 920 تەڭگە) كولەمىندە اكىمشىلىك ايىپپۇل سالىندى"، - دەلىنگەن كپد حابارلاماسىندا.
ەسكە سالايىق، 2023 جىلى كولىكتەگى پد قىزمەتكەرلەرى ءتۇرلى اكىمشىلىك قۇقىق بۇزۋشىلىقتار جاساعانى ءۇشىن 45 962 ازاماتتى، ونىڭ ىشىندە، اۋە كەمەسىنىڭ بورتىندا تەمەكى ونىمدەرىن تۇتىنعانى ءۇشىن 213، كامەلەتكە تولماعان ادامدى تاربيەلەۋ جونىندەگى مىندەتتەردى ورىنداماعانى ءۇشىن 70 تۇلعانى اكىمشىلىك جاۋاپكەرشىلىككە تارتتى.