الماتىداعى №145 مەكتەپتى سەيسميكالىق كۇشەيتۋ جانە جوندەۋ جۇمىستارى 2023 جىلدىڭ 20 قىركۇيەگىنە دەيىن اياقتالادى
الماتى قالاسىنىڭ بوستاندىق اۋدانىنداعى №145 جالپى ءبىلىم بەرەتىن مەكتەپ عيماراتى بۇگىندە 85%-عا دايىن. عيمارات قۇرىلىمدارىن سەيسميكالىق كۇشەيتۋ، ىشكى بولىمدەر مەن تەرەزە بلوكتارىن ورناتۋ جۇمىستارى اياقتالدى، ىشكى ينجەنەرلىك ينفراقۇرىلىم جۇرگىزىلدى، ءبىراق ىشكى ارلەۋ جانە قاسبەتتىك جۇمىستار جالعاسىپ جاتىر. بۇل تۋرالى الماتى قالاسى اكىمىنىڭ ورىنباسارى اسقار امرينگە بيۋدجەت قارجىسىنا سالىناتىن قۇرىلىس نىساندارىن ارالاۋ بارىسىندا مەردىگەر ۇيىمنىڭ وكىلدەرى باياندادى.
نىساندى قالپىنا كەلتىرۋ مەن كۇردەلى جوندەۋ، سەيسميكالىق كۇشەيتۋ جۇمىستارى 2021 جىلدىڭ 12 شىلدەسىندە باستالدى. قۇرىلىستىڭ اياقتالۋ مەرزىمى – 2023 جىلعى 30 قاڭتار.
2023 جىلدىڭ اقپان ايىندا الماتى قالاسىنىڭ اكىمدىگى «اق ورداسى كورپوراسياسى» ج ش س مەردىگەرلىك ۇيىمىنا سوتقا تالاپ ارىز بەردى. سوت شەشىمىمەن «اق ورداسى كورپوراسياسى» جشس-نە 3،5 ملن تەڭگە كولەمىندە ايىپپۇل سالىندى، جاۋاپسىز قاتىسۋشى دەپ تانىلىپ، مەملەكەتتىك ساتىپ الۋعا قاتىسپايتىن بولدى. اپەللياسيالىق سوتتىڭ قاۋلىسىمەن شەشىم وزگەرىسسىز قالدى.
مەردىگەر ۇيىمعا نىسانداعى جۇمىستاردى 2023 جىلدىڭ 20 قىركۇيەگىنە دەيىن اياقتاۋ جۇكتەلدى.