الماتىنىڭ جاس قانات شاعىن اۋدانىندا 2023 جىلدىڭ سوڭىنا دەيىن 22 مىڭ شارشى مەتر تۇرعىن ءۇي پايدالانۋعا بەرىلەدى
تۇركسىب اۋدانىنىڭ جاس قانات شاعىن اۋدانىندا 163 098 ش.م. 41 ءۇيدىڭ (3 116 پاتەر) قۇرىلىس-مونتاجداۋ جۇمىستارى جالعاسىپ جاتىر. 31 ءۇي نەمەسە اۋدانى 122 859 ش. م. 2 344 پاتەر پايدالانۋعا بەرىلدى. 2023 جىلدىڭ سوڭىنا دەيىن تاعى 5 ءۇي نەمەسە 473 پاتەر (22 مىڭ ش.م.) پايدالانۋعا بەرۋ جوسپارلانعان، دەپ حابارلايدى Almaty-akshamy.kz.
سونىمەن قاتار، سالىنىپ جاتقان ۇيلەرگە ىرگەلەس اۋلالاردى اباتتاندىرۋ جۇمىستارى جۇرگىزىلۋدە. بۇل تۋرالى الماتى قالاسى اكىمىنىڭ ورىنباسارى اسقار امرينگە قۇرىلىس نىساندارىن ارالاۋ بارىسىندا مەردىگەر ۇيىمنىڭ وكىلدەرى باياندادى.
اباتتاندىرۋ جوباسى اياسىندا 12 اۋلانى اباتتاندىرۋ كوزدەلگەن. اباتتاندىرۋ نىساندارى 60%-عا دايىن.
بۇگىندە 8 اۋلا بويىنشا جۇمىستار جۇرگىزىلىپ جاتىر، اۋلالاردى اسفالتتاۋ جانە شاعىن ساۋلەت نىساندارى ورناتىلدى. بيىل 10 قىركۇيەككە دەيىن قالعان جانە شاعىن ساۋلەت نىساندارى ورناتۋ جانە كوگالداندىرۋ جۇمىستارى بىتەدى. قالعان 4 اۋلا بويىنشا جۇمىس 15 قىركۇيەكتە باستالىپ، 2023 جىلدىڭ قاراشاسىندا اياقتالادى.
مەردىگەر ۇيىمعا جۇمىس قارقىنىن جەدەلدەتۋ تاپسىرىلدى.
ايتا كەتەيىك، ۇيلەر 2022 جىلدىڭ جەلتوقسانىندا پايدالانۋعا بەرىلۋگە ءتيىس ەدى. جۇمىستاردىڭ ساپاسىز ورىندالۋىنا بايلانىستى تاپسىرۋ مەرزىمىنىڭ ەداۋىر كەشىكتىرىلۋىنە اكەلگەن «ريگوليت» ج ش س، «كاپيتالپروەكت گرۋپپ» ج ش س، «حاديت» ج ش س، «پرومكومپلەكت» ج ش س، «شاح» ج ش س جانە «نۆك-ساپا قۇرىلىس» ج ش س مەردىگەرلىك ۇيىمدارىن مەملەكەتتىك ساتىپ الۋعا جاۋاپسىز قاتىسۋشى دەپ تانۋ تۋرالى تالاپ ارىزدار بەرىلدى. قازىرگى ۋاقىتتا سوت ءجۇرىپ جاتىر.