مەتەورولوگتاردىڭ بولجامىنشا، رەسپۋبليكا بويىنشا نايزاعاي ويناپ، بۇرشاق جاۋۋى، جەلدىڭ ەكپىنى 15–20 م/س دەيىن كۇشەيۋى، سونداي-اق كەي وڭىرلەردە تۇمان ءتۇسۋى مۇمكىن.
بۇعان قوسا، اۋا تەمپەراتۋراسى 38 گرادۋسقا دەيىن كوتەرىلىپ، قاتتى ىستىق كۇتىلەدى، دەپ حابارلايدى aqshamnews.kz.
سونىمەن قاتار، ەلىمىزدىڭ باسىم بولىگىندە جوعارى جانە توتەنشە ءورت ءقاۋپى بولجانىپ وتىر.
وسىعان بايلانىستى توتەنشە جاعدايلار مينيسترلىگى ازاماتتارعا مىناداي قاۋىپسىزدىك شارالارىن ساقتاۋ جونىندە كەڭەس بەرەدى:
اپتاپ ىستىق پەن قاتتى جەل كەزىندە ورماندى جانە دالا ايماقتارىنان اۋلاق بولۋ؛
نايزاعاي كەزىندە اعاش استىنا جاسىرىنباۋ جانە كوشەدە ەلەكتر قۇرىلعىلارىن پايدالانباۋ؛
وت جاقپاۋ، جانعىش زاتتاردى اشىق كۇن استىندا قالدىرماۋ؛
اۋا رايى ناشارلاعان جاعدايدا ۇيدەن شىقپاۋ.
«قازگيدرومەت» ماماندارى قولايسىز مەتەوجاعدايلار كەزىندە بارىنشا ساق بولۋعا شاقىرادى.