قازاقستاندا 1414 قىسقا ءنومىرى ارقىلى جىبەرىلەتىن SMS-كودتار ەندى مەملەكەتتىك اقپاراتتىق جۇيەلەردە قولدانىلمايدى، دەپ حابارلايدى aqshamnews.kz
جاساندى ينتەللەكت جانە سيفرلىق دامۋ مينيسترلىگى باس پروكۋراتۋرامەن بىرلەسىپ قاۋىپسىزدىكتى كۇشەيتىپ جاتىر.
جاڭا ەرەجەلەر ينتەرنەت الاياقتاردان ساقتانۋ ماقساتىندا ەنگىزىلەدى. بۇرىن كەيبىر مەملەكەتتىك سەرۆيستەرگە ءبىر رەتتىك SMS-كود ارقىلى كىرۋ مۇمكىندىگى بولعان.
الايدا 1414 حابارلاماسى ارقىلى جەكە دەرەكتەردى ۇرلاۋ ءقاۋپى جوعارى. سول سەبەپتى اقپاراتتىق جۇيەلەردىڭ يەلەرىنە SMS-كودتاردى قولدانباي، قولجەتىمدىلىك ەرەجەلەرىن قاتاڭداتۋ تاپسىرىلدى.
ەندى مۇنداي جاعدايدى بولدىرماۋ ءۇشىن 1414 SMSء-شليۋزىن قولداناتىن بارلىق اقپاراتتىق جۇيەلەرگە كىرۋ ءتارتىبى قاتاڭدادى.
بۇل پروسەسستەر تەك بيومەتريالىق اۋتەنتيفيكاسيا، ەلەكتروندىق سيفرلىق قولتاڭبا نەمەسە eGov QR-كودى ارقىلى عانا جۇزەگە اسادى. بيىل جەلتوقساننان باستاپ كورسەتىلگەن مىندەتتى تالاپتاردى ەنگىزبەگەن جۇيەلەر 1414 SMS-شليۋزىنەن اجىراتىلدى.
بۇعان دەيىن مينيسترلىك 1414-تەن كەلەتىن كودتىڭ نەسيە راسىمدەۋگە تىكەلەي قاتىسى جوق ەكەنىن ەسكەرتكەن. بۇل – تەك پسيحولوگيالىق ايلا. الاياقتار SMS-كودتى سەنىمگە كىرۋ ءۇشىن پايدالانادى. سونىڭ سالدارىنان اقپارات ۇرلانىپ، ميكروكرەديت راسىمدەۋگە قولدانىلۋى ىقتيمال، – دەيدى جاۋاپتىلار.