ەكىباستۇزدا ەرەكشە سىيلىق ۇسىنىلدى – ۇلتتىق ءبىرىڭعاي تەستىلەۋدەن (ۇبت) 140 ۇپاي جيناعان تۇلەككە 5 ميلليون تەڭگە سەرتيفيكاتى بەرىلەدى. بۇل سىيلىقتى ءوڭىردىڭ كاسىپكەرى تاعايىنداعان. مەسەنات وسىنداي باستامامەن جەرگىلىكتى تۇلەكتەردى ءبىلىم الۋعا جانە جوعارى ناتيجەلەرگە تالپىندىرۋدى ماقسات ەتەدى، دەپ حابارلايدى aqshamnews.kz
ەكىباستۇز قالاسىنداعى «زەردە» مامانداندىرىلعان مەكتەبىنىڭ تۇلەكتەرى بۇل باستامانى جوعارى باعالاپ وتىر. وتكەن جىلى وسى مەكتەپتىڭ ەكى وقۋشىسىنا ءپان وليمپياداسىنداعى جەتىستىكتەرى ءۇشىن 30 مىڭ تەڭگە ستيپەنديا تاعايىندالعان ەدى. ال كاسىپكەردىڭ مەكتەپكە كورسەتكەن قولداۋى جىل سايىن جالعاسىپ كەلەدى. مىسالى، 2014 جىلى اتالمىش مەكتەپتى بىتىرگەن كاسىپكەر وقۋ ورداسىنىڭ 20 جىلدىعىنا 1 ميلليون تەڭگە كولەمىندە قاراجات بولگەن.
بۇل جولى دا كاسىپكەر تۇلەكتەرگە ءبىلىم الۋ مەن جاڭا جەتىستىكتەرگە ۇمتىلۋ ءۇشىن قوسىمشا ىنتالاندىرۋ جاساپ، ولاردى بىلىمگە ەرەكشە ىنتالاندىردى.
ايتا كەتەيىك، ناۋرىز ايىنداعى ۇبت قورىتىندىسى بويىنشا 22 تالاپكەردىڭ ناتيجەسى جويىلدى.