پەت قالدىقتارىنا پلاستيكالىق بوتەلكەلەر، كولبالار جانە ۇقساس ونىمدەر، سونىمەن قاتار پروپيلەن پوليمەرلەرىنىڭ پلاستماسسالارىنىڭ قالدىقتارى، كەسكىشتەرى جانە سىنىقتارى جاتادى.
ق ر قارجى مينيسترلىگى مەملەكەتتىك كىرىستەر كوميتەتىنىڭ باسپا ءسوز قىزمەتىنىڭ مالىمەتىنشە، وتاندىق وندىرۋشىلەردى شيكىزاتپەن قامتاماسىز ەتۋ ءۇشىن پوليەتيلەنتەرەفتالات (پەت) قالدىقتارىن ەكسپورتتاۋعا التى ايعا تىيىم سالىندى، دەپ حابارلايدى Almaty-akshamy.kz
قايتا وڭدەلگەن پەت شيكىزاتى، پلاستيكالىق بوتەلكەلەر نەگىزىنەن رەسەي مەن وزبەكستانعا جەتكىزىلەدى،
«2022 جىلدىڭ 14 ماۋسىمىنان باستاپ قازاقستان رەسپۋبليكاسىنىڭ اۋماعىنان پەت قالدىقتارىن اكەتۋگە تىيىم سالىنادى. شەكتەۋ التى اي بويى كۇشىندە بولادى»، - دەلىنگەن مينيسترلىكتىڭ دۇيسەنبى كۇنى تاراتقان حابارلاماسىندا.
حابارلامادا بۇل تىيىمنىڭ وتاندىق پوليمەر ونىمدەرىن وندىرۋشىلەردى قولجەتىمدى شيكىزاتپەن قامتاماسىز ەتۋ ماقساتىندا ەنگىزىلگەنى اتاپ وتىلگەن. بۇل شارا قازاقستاندىق كاسىپورىنداردا ءوندىرىس كولەمىن ارتتىرۋعا، سونداي-اق وندىرىلگەن ءونىمنىڭ وزىندىك قۇنىن تومەندەتۋگە مۇمكىندىك بەرەدى دەپ كۇتىلۋدە.
الايدا قازاقستان جانە ەاەو كەدەن زاڭناماسىنا سايكەس كەدەندىك ەكسپورت راسىمىمەن ورنالاستىرىلعان جانە شىعارىلعان تاۋارلار بۇيرىق كۇشىنە ەنگەن كۇنگە دەيىن رەسپۋبليكا اۋماعىنان كەدەرگىسىز اكەتىلەدى دەپ سەندىردى مينيسترلىك.
پەت قالدىقتارىن ەكسپورتتاۋعا تىيىم سالۋ 2021 جىلدان بەرى تالقىلانىپ كەلەدى. وسىلايشا، قازاقستاننىڭ وراۋشىلار قاۋىمداستىعى قازاقستاندىق وڭدەۋشىلەر قۋاتتى پايدالانۋدا پروبلەمالاردى باستان كەشىرۋىنە بايلانىستى قازاقستاننان قايتا وڭدەلگەن پەت شيكىزاتىن ەكسپورتتاۋعا تىيىم سالۋدى سۇرادى.