مەملەكەت باسشىسىنىڭ سەيسميكالىق قاۋىپسىزدىكتى كۇشەيتۋ جانە قوعامدىق كەڭىستىكتەردى ساپالى دامىتۋ جونىندەگى تاپسىرمالارىن ورىنداۋ ءۇشىن، 2 جاڭا باسقارما قۇرۋ ۇسىنىلادى.
ءبىرىنشى. سەيسميكالىق قاۋىپسىزدىك جانە جۇمىلدىرۋ دايىندىعى باسقارماسى.
وزدەرىڭىز بىلەتىندەي، وتكەن ايدا مەملەكەت باسشىسى سەيسميكالىق قاۋىپسىزدىكتى قامتاماسىز ەتۋ ماسەلەلەرىنە ەرەكشە نازار اۋدارۋدى جانە وسى باعىتتاعى مەملەكەتتىك ورگانداردىڭ قىزمەتىن تۇبەگەيلى قايتا قاراۋدى تاپسىردى.
بۇل باسقارمانىڭ نەگىزگى مىندەتى سەيسميكالىق قاۋىپسىزدىك ستاندارتتارىنىڭ ساقتالۋىن قامتاماسىز ەتۋ، جەر سىلكىنىسى تاۋەكەلدەرىن باسقارۋ، تابيعي اپاتتار كەزىندە كەرەك بولاتىن بازالىق داعدىلارعا حالىقتى وقىتۋدى ۇيىمداستىرۋ، سونداياق سەيسميكالىق قاۋىپسىزدىك ماسەلەلەرى بويىنشا توتەنشە جاعدايلار، پوليسيا دەپارتامەنتتەرىنىڭ، قالالىق قىزمەتتەردىڭ جانە ۇيىمداردىڭ جۇمىستارىن ۇيلەستىرۋ بولىپ تابىلادى.
بۇدان باسقا، وسى باسقارماعا قالا اكىمى اپپاراتىنان جۇمىلدىرۋ دايىندىعى، اۋماقتىق قورعانىس پەن ازاماتتىق قورعاۋدى قامتاماسىز ەتۋ سالاسىنداعى فۋنكسيالار بەرىلەدى.
سەيسميكالىق قاۋىپسىزدىك جانە جۇمىلدىرۋ دايىندىعى باسقارماسىنىڭ جۇمىسى تابيعي جانە تەحنوگەندىك سيپاتتاعى توتەنشە جاعدايلاردىڭ تۋىنداۋ ءقاۋپىن مونيتورينگتەۋدىڭ ءبىرىڭعاي جۇيەسىن ازىرلەۋگە، سەيسمواۋديتتى ساپالى جۇرگىزۋگە، سونداي-اق توتەنشە جاعدايلار كەزىندە تاۋەكەلدەردى ازايتۋ بويىنشا جەدەل جانە الدىن الۋ شارالارىن قابىلداۋعا مۇمكىندىك بەرەدى.
ەكىنشى. وزدەرىڭىز بىلەتىندەي، الماتى قالاسىن دامىتۋ باعدارلاماسىنىڭ نەگىزگى باعىتتارىنىڭ ءبىرى جايلى قالالىق ورتانى قامتاماسىز ەتۋ بولىپ تابىلادى.
وسىعان بايلانىستى كەلەسى فۋنكسيالاردى بەرۋ ارقىلى قوعامدىق كەڭىستىكتەردى دامىتۋ باسقارماسىن قۇرۋ ۇسىنىلادى:
- قوعامدىق كەڭىستىكتەردى دامىتۋ بويىنشا ءبىرىڭعاي پرينسيپتەر مەن تاسىلدەردى قامتاماسىز ەتۋ ءۇشىن قالا باسقارمالارى مەن اۋدان اكىمدىكتەرىنىڭ جۇمىسىن ۇيلەستىرۋ؛
- قوعامدىق كەڭىستىكتەردى دامىتۋ تۇجىرىمدامالارىن ازىرلەۋ جانە جوبالاۋ بويىنشا جۇمىستى ۇيىمداستىرۋ؛
- قالالىق ماڭىزى بار قوعامدىق كەڭىستىكتەردى جاڭعىرتۋ، سالۋ جانە اباتتاندىرۋ فۋنكسيالارى بەرىلەتىن بولادى.
قوعامدىق كەڭىستىكتەردى دامىتۋ باسقارماسىن قۇرۋ الماتى قالاسىنىڭ تاريحي بىرەگەيلىگىن ەسكەرە وتىرىپ، قوعامدىق كەڭىستىكتەردى ساپالى قۇرۋعا جانە قايتا قۇرۋعا مۇمكىندىك بەرەدى.
جوعارىدا ايتىلعانداردىڭ نەگىزىندە الماتى قالاسىن باسقارۋ سحەماسىنا ەكى جاڭا باسقارما قوسۋ ارقىلى ءتيىستى وزگەرىستەر ەنگىزۋ ۇسىنىلادى.