سانيتارلىق تالاپتار تولىق ساقتالۋى ءتيىس.
ق ر باس سانيتارلىق دارىگەردىڭ مىندەتىن اتقارۋشىنىڭ «ءبىلىم بەرۋ ۇيىمدارىندا شەكتەۋ ءىس-شارالارىن الىپ تاستاۋ تۋرالى» قاۋلىسى شىقتى، دەپ حابارلايدى Almaty-akshamy.kz Almaty.tv سىلتەمە جاساپ.
«وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، قازاقستان رەسپۋبليكاسىنىڭ ءبىلىم جانە عىلىم مينيسترلىگى:
2022 جىلعى 14 اقپاننان باستاپ بارلىق مەنشىك نىسانىنداعى جانە ۆودومستۆولىق ءتيىستى ءبىلىم بەرۋ ۇيىمدارىندا شتاتتىق فورماتتا وقىتۋدى قامتاماسىز ەتسىن»، – دەپ جازىلعان قاۋلى ماتىنىندە.
دەگەنمەن، وقىتۋدىڭ فورماتى وزگەرگەنىمەن، ءبىلىم ۇيىمدارىنىڭ وزىندە سانيتارلىق-ەپيدەميولوگيالىق تالاپتاردىڭ تولىق ساقتالۋ كەرەكتىگى ەسكەرتىلگەن.
«بارلىق مەنشىك نىسانىنداعى جانە ۆەدومستۆولىق ءتيىستى ءبىلىم بەرۋ ۇيىمدارىنىڭ باسشىلارى ءبىلىم بەرۋ وبەكتىلەرىنە قويىلاتىن سانيتارلىق-ەپيدەميولوگيالىق تالاپتاردى قاتاڭ ساقتاۋدى قامتاماسىز ەتسىن.
«ءبىلىم بەرۋ ۇيىمدارىندا سانيتارلىق-ەپيدەمياعا قارسى ءىس-شارالاردى كۇشەيتۋ جانە ق ر باس مەملەكەتتىك سانيتاريالىق دارىگەرىنىڭ 2021 جىلعى 10 قىركۇيەكتەگى №42، 2022 جىلعى 13 قاڭتارداعى №1 قاۋلىلارىنا وزگەرىستەر ەنگىزۋ تۋرالى» ق ر باس مەملەكەتتىك سانيتارلىق دارىگەرىنىڭ 2022 جىلعى 21 قاڭتارداعى №5 قاۋلىسىنىڭ 1 جانە 2-تارماقتارىنىڭ كۇشى جويىلدى دەپ سانالسىن»، – دەپ جازىلعان قۇجاتتا.