ەلىمىزدە ۇشاق جوندەۋ ورتالىعى اشىلادى

قازاقستان استاناسىندا ورتالىق ازياداعى اۋە كەمەلەرىنە تەحنيكالىق قىزمەت كورسەتىن العاشقى ورتالىق اشىلادى

مۇندا الدىمەن اسكەري ۇشاقتار جوندەلەتىن بولادى. ال الداعى ۋاقىتتا سەرۆيستىك قىزمەتپەن ازاماتتىق اۆياسياداعى اۋە كەمەلەرىن دە قامتۋ جوسپاردا بار، دەپ حابارلايدى Almaty-akshamy.kz 

 «بۇل قىزمەت كورسەتۋ ورتالىعى بۇكىل ورتالىق ازيا ايماعىن قامتيدى. اسكەري باعىت اياسىندا «Airbus سي295» ۇشاعىن مەڭگەرىپ جاتىرمىز. مەموراندۋمعا سايكەس، «Airbus» كومپانياسى بۇل جەردە تەحنيكالىق اۋديت جۇرگىزگەن. بىزدەگى بارلىق مۇمكىندىك تالقىلانۋدا»، - دەيدى ق ر ييدم قورعانىس ونەركاسىپ كەشەنى دەپارتامەنتىنىڭ باسقارما باسشىسى ورالباي مامبەتوۆ.

قىزمەت كورسەتۋ ورتالىعىن قۇرۋ ۇشاق جوندەۋدىڭ كۇردەلى تۇرلەرىنە كوشۋگە مۇمكىندىك بەرەتىنىن اتاپ وتكەن ءجون. ويتكەنى بۇرىن مۇنداي جۇمىستار يسپانيادا عانا ورىندالاتىن. وتاندىق مامانداردى وقىتۋ مەن دايىنداۋ دا سول مەملەكەتتە جۇرگىزىلگەن ەدى. الداعى ەكى جىلدا ەل ىشىندە ۇشاقتارعا تولىق تەحنيكالىق قىزمەت كورسەتۋدى يگەرۋ جوسپارلانۋدا.

 «وسى ۇلگىدەگى ۇشاقتاردا كوپ جىلدار بويى جۇمىس ىستەگەن تاجىريبەلى شەتەلدىك ماماندار تارتىلعان. بىلىكتىلىك پەن تاجىريبە الماسۋ دا بار. وتاندىق كاسىپورىنداردا جوندەۋ جۇمىستارىنىڭ لوكاليزاسيالاۋ ۇلەسى ارتىپ كەلەدى»، - دەدى «قازاقستاندىق اۆياسيالىق يندۋستريا» ج ش س جوبالار باسقارماسىنىڭ باسشىسى ايدار انۋاربەك.