Enbek HR ءموبيلدى قوسىمشاسى وتكەن جىلى جۇمىسكەرلەرگە hr.enbek.kz ەڭبەك رەسۋرستارى پورتالىنىڭ فۋنكسيونالدىعىنا قول جەتكىزۋدى جەڭىلدەتۋ ءۇشىن ىسكە قوسىلدى.
قوسىمشانى 56،6 مىڭ پايدالانۋشى جۇكتەپ العان، دەپ حابارلايدى aqshamnews.kz
بۇگىنگى تاڭدا ءموبيلدى قوسىمشا ارقىلى پورتالدىڭ ءبىرقاتار قىزمەتتەرى مەن سەرۆيستەرى قولجەتىمدى. ەڭبەك شارتىنا قول قويۋ مۇمكىندىگىنەن باسقا، قىزمەتكەر جۇمىس بەرۋشىلەردىڭ ەڭبەك شارتتارىن ەسەپكە الۋدىڭ ءبىرىڭعاي جۇيەسىندە تىركەلگەن ءوزىنىڭ ەڭبەك شارتتارىن قاراپ، ودان جۇمىس ورنىنان انىقتاما الا الادى نەمەسە ەڭبەك شارتى بويىنشا مالىمەتتەردى وزەكتەندىرە الادى (بۇزۋ، جويۋ، تۇزەتۋ – راستايتىن قۇجاتتاردى تىركەگەن كەزدە).
سونداي-اق، ەڭبەك شارتتارىن ەسەپكە الۋدىڭ ءبىرىڭعاي جۇيەسىندە تىركەلگەن ەڭبەك شارتتارى نەگىزىندە قالىپتاستىرىلعان ەلەكتروندىق ەڭبەك كىتاپشاسىن جۇكتەۋگە، الەۋەتتى جۇمىس بەرۋشىگە جەكە دەرەكتەرمەن تانىسۋعا كەلىسىم بەرۋگە بولادى («قىزمەتكەردىڭ جەكە ءىسى» سەرۆيسىندە).
زياندى ەڭبەك جاعدايلارىندا جۇمىس ىستەيتىن جۇمىسكەر تىكەلەي ءموبيلدى قوسىمشادا ارناۋلى الەۋمەتتىك تولەمگە قۇقىعىنىڭ بار-جوعىن تەكسەرىپ، ونىڭ سوماسىن الدىن الا ەسەپتەي الادى
سونىمەن قاتار Enbek HR ءموبيلدى قوسىمشاسىندا قىزمەتكەر ونلاين رەجيمىندە push-حابارلامالار الادى، بۇل ەڭبەك شارتتارىمەن جۇرگىزىلەتىن بارلىق ىس-ارەكەتتەر تۋرالى حاباردار بولۋعا جانە جەدەل ارەكەت ەتۋگە مۇمكىندىك بەرەدى.
Enbek HR قوسىمشاسى بەلسەندى دامىپ كەلەدى جانە جاقىن ارادا جاڭا فۋنكسيونالدار قول جەتىمدى بولادى. ونى App Store جانە Google Play-دان جۇكتەپ الۋعا بولادى.