1941 جىلى قازاق كسر حالىق كوميسسارلارى كەڭەسىنىڭ قاۋلىسىمەن الماتى كينوستۋدياسى قۇرىلعان بولاتىن، دەپ حابارلايدى aqshamnews.kz.
كەيىن 1960 جىلى اتاۋى «قازاقفيلم» كينوستۋدياسى دەپ وزگەرتىلىپ، 1984 جىلى وعان قازاق كينەماتوگرافياسىنىڭ كەمەڭگەر قايراتكەرى شاكەن ايمانوۆتىڭ ەسىمى بەرىلدى. 2005 جىلى قازاقستان كينەماتوگرافيستەرى وداعىنىڭ باسشىسى بولعان باۋىرجان نوگەربەكوۆ 12 قىركۇيەكتى «قازاق كينوسىنىڭ كۇنى» دەپ اتاۋدى ۇسىندى. سودان باستاپ بۇل مەرەكە جىل سايىن تويلانىپ كەلەدى.
بۇگىندە وتاندىق كينو سالاسى قارقىندى دامىپ جاتىر.
سالالىق زاڭنىڭ قابىلدانۋى، ۇلتتىق كينونى قولداۋ ورتالىعىنىڭ قۇرىلۋى، قازاقستان باستاماشى بولعان كينوفەستيۆالدەردىڭ جاڭا ساپالىق دەڭگەيگە شىعۋى، قازاق فيلمدەرىنىڭ الەمدىك كينوفورۋمداردا مويىندالۋى جانە جوعارى ماراپاتتار الۋى – مۇنىڭ بارلىعى وتاندىق كينەماتوگرافتىڭ ۇلكەن الەۋەتىن بىلدىرەدى.