ق ر كولىك ۆيسە-مينيسترى ءساتجان ابلالييەۆتىڭ قاتىسۋىمەن توننەلدىڭ رەسمي تۇردە اشىلدى.
تۇركىستان وبلىسى شاقپاق بابا اسۋىنداعى ەكى جولاقتى توننەلدىڭ ۇزىندىعى 840 مەتردى قۇرايدى. ەنى - 11 مەتر، بيىكتىگى - 8 مەتر، دەپ حابارلايدى aqshamnews.kz كولىك مينيسترلىگىنە سىلتەمە جاساپ.
قاۋىپسىزدىكتى قامتاماسىز ەتۋ ماقساتىندا توننەلدىڭ ەكى جاعىندا جارىقتاندىرۋ، جەلدەتۋ، دابىل بەرۋ جانە باعدارشامداردى رەتتەۋ ۇدەرىستەرىن باسقاراتىن ديسپەچەرلىك پۋنكتتەر قاراستىرىلعان.
سونىمەن قاتار ناقتى ۋاقىت رەجيمىندە توننەلدى باقىلاۋعا مۇمكىندىك بەرەتىن بەينەباقىلاۋ جانە ورتتەن قورعاۋ جۇيەلەرى ورناتىلعان.
توننەلدىڭ جانىندا جۇرگىزۋشىلەر مەن جولاۋشىلاردىڭ ىڭعايى ءۇشىن جول جوندەۋ پۋنكتى، جانارماي قۇيۋ بەكەتى، تىكۇشاق الاڭدارى جانە ساۋدا ايماقتارى قاراستىرىلعان.
اۆتوجول توننەلىنىڭ اشىلۋى قارساڭىندا 100 ادام جانە 15 بىرلىك ارنايى تەحنيكا جۇمىلدىرىپ، ارنايى وقۋ-جاتتىعۋلارى وتكەندىگىن اتاپ وتكەن ءجون. ارنايى جاتتىعۋلار شەڭبەرىندە توننەلدىڭ قاۋىپسىزدىك جۇيەلەرى، سونىڭ ىشىندە جەلدەتۋ جانە ءورت ءسوندىرۋ جۇمىستارى سىنالدى. سونداي-اق توتەنشە جاعداي كەزىندە كولىك قۇرالدارىن جەدەل سۇيرەۋ جانە جول-پايدالانۋ تەحنيكاسىنىڭ قوزعالىسىن ۇيىمداستىرۋ بويىنشا ىس-ارەكەتتەر پىسىقتالدى. جول قىزمەتتەرىنە نۇسقاۋلىق بەرىلدى.