ق ر ۇلتتىق بانكىنىڭ ءتوراعاسى ەربولات دوسايەۆ بانكوماتتاردىڭ جۇمىسىن قامتاماسىز ەتۋ بويىنشا اتقارىلىپ جاتقان جۇمىستار تۋرالى مالىمەت بەردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ۇكىمەت وتىرىسىندا ۇلتتىق بانك باسشىسى قارجىلىق تۇراقتىلىقتى، اسىرەسە، ۆاليۋتا نارىعىنداعى قارجىلىق تۇراقتىلىقتى قامتاماسىز ەتۋ شارالارى قالاي ىسكە اساتىنىن ايتتى.
«قارجى جۇيەسىنىڭ تۇراقتى جۇمىسىن قامتاماسىز ەتۋ ماقساتىندا ۇلتتىق بانك مىناداي شۇعىل شارالار قابىلدادى. بيىلعى 7 قاڭتاردان باستاپ بۇكىل ەل بويىنشا ەكىنشى دەڭگەيدەگى بانكتەردىڭ ونلاين سەرۆيستەرىنە كىرۋ كەزەڭ-كەزەڭىمەن قالپىنا كەلتىرىلدى. بۇگىننەن باستاپ الماتى قالاسى مەن الماتى وبلىسىن قوسا العاندا، بانكتەردى قولما-قول اقشا قاراجاتىمەن جانە قولما-قول اقشا بەرۋ ءۇشىن بانكوماتتاردىڭ جۇمىسىن قامتاماسىز ەتۋ بويىنشا شارالار قابىلداندى»، - دەدى ەربولات دوسايەۆ.
سونىمەن قاتار، ول 10 قاڭتاردان باستاپ قارجى سەكتورى مەن مەملەكەتتىك بيۋدجەتتىڭ تەڭگەدەگى تولەمدەرىن جۇرگىزۋ ءۇشىن قازاقستان بانكارالىق ەسەپ ايىرىسۋ ورتالىعىنىڭ تولەم جۇيەلەرى شتاتتىق رەجيمدە جۇمىس ىستەي باستاعانىن ەسكە سالدى.
«بانك جۇيەسىنىڭ وتىمدىلىگىن قولداۋ ماقساتىندا قازاقستان قور بيرجاسىندا رەپو وپەراسيالارى ارقىلى تەڭگەدەگى وتىمدىلىكتى ۇسىنۋ وپەراسيالارى شەكتەۋسىز كولەمدە جۇرگىزىلۋدە»، - دەدى ۇلتتىق بانك ءتوراعاسى.