سولتۇستىك قازاقستان وبلىسىندا سارىشۇناق اياز باستالعالى 12 ادامدى ۇسىك شالدى.
دارىگەرلەردىڭ ساراپتاماسىنان كەيىن ولاردىڭ 5ء-ى اۋرۋحاناعا جاتقىزىلدى. سۋىقتا دالا كەزىپ، قاتتى توڭىپ قالعانداردىڭ كوبى اياق-قولدارىن ءۇسىرىپ العان. ءقازىر ناۋقاستار مەديسينا قىزمەتكەرلەرىنىڭ باقىلاۋىنا الىندى، دەپ حابارلايدى اlmaty-akshamy.kz 24.kz-كە سىلتەمە جاساپ.
كەيبىرىنە وپەراسيا جاسالۋى مۇمكىن. وڭىردە ءبىر اپتادان بەرى ايازدىڭ بەتى قايتار ەمەس. اۋا تەمپەراتۋراسى كەي جەرلەردە 35-40 گرادۋسقا دەيىن تومەندەدى. اق حالاتتىلار جىلى كيىنىپ، قاۋىپسىزدىك شارالارىن قاتاڭ ساقتاۋعا كەڭەس بەرەدى.
ەكاتەرينا بەلوۋسوۆا، قالالىق كوپبەيىندى اۋرۋحانانىڭ باسپا ءسوز حاتشىسى: -ايازدى كۇنى جولعا شىعىپ، كولىگى سىنعان ازاماتتى ۇسىك شالدى. بۇل تىزىمدە مال ىزدەپ، ەرمەك ءۇشىن بالىققا بارعاندار، ىشىمدىك ىشكەندەر جانە تۇرعىلىقتى مەكەن جايى جوق ادامدار دا بار. ءقازىر اۋرۋحاناعا جاتقىزىلعان ناۋقاستار ەم قابىلداپ جاتىر.