كەدەيلىك دەڭگەيى رەكوردتان اسىپ كەتتى

كۇنكورىس دەڭگەيىنىڭ شاماسى 51 710 تەڭگە.

كەدەيلىك قاۋپىنە ءۇي شارۋاشىلىقتارىنىڭ كولەمى قاتتى اسەر ەتەدى، دەپ حابارلايدى Almaty-akshamy.kz ۇلتتىق ستاتيستيكا بيۋروسىنا سىلتەمە جاساپ.

ءۇي شارۋاشىلىقتارىن ىرىكتەپ تەكسەرۋ ناتيجەلەرى بويىنشا تابىسى قازاقستانداعى ەڭ تومەنگى كۇنكورىس دەڭگەيىنەن (كەدەيلىك دەڭگەيى) تومەن حالىقتىڭ ۇلەسى 2023 جىلعى III توقساندا 5،6% قۇرادى.

كەدەيلىك دەڭگەيىنىڭ ەڭ جوعارى ءمانى تۇركىستان وبلىسىندا (9،6%)، ال ەڭ ازى – قاراعاندى وبلىسى جانە استانا قالاسىندا (2،7%-دان) تىركەلدى.

كەدەيلىك قاۋپىنە ءۇي شارۋاشىلىقتارىنىڭ كولەمى قاتتى اسەر ەتەدى. وسىلايشا، 5 جانە ودان دا كوپ ادامنان تۇراتىن ءۇي شارۋاشىلىقتارى اراسىنداعى كەدەيلىك دەڭگەيى 10%-دى قۇرادى، بۇل جالپى كەدەيلىك دەڭگەيىنەن 2 ەسەگە جۋىق ارتىق.

كەدەيلىك دەڭگەيى – تۇتىنۋعا پايدالانىلعان ەڭ تومەنگى كۇنكورىس دەڭگەيىنىڭ شاماسىنان تومەن تابىسى بار حالىق سانىنىڭ حالىقتىڭ جالپى سانىنا پايىزبەن ولشەنگەن قاتىناسى. ق ر بويىنشا 2023 جىلعى III توقساندا ايىنا ورتا ەسەپپەن جان باسىنا شاققانداعى ەڭ تومەنگى كۇنكورىس دەڭگەيىنىڭ شاماسى 51 710 تەڭگەنى قۇرادى.